రామ్ సేతు

రామ్ సేతు మూవీ యాక్షన్, అడ్వెంచర్, థ్రిల్లర్ ఎంటర్టైనర్ చిత్రం.  ఇందులో అక్షయ్ కుమార్, జాక్వెలిన్ ఫెర్నాండెజ్, సత్యదేవ్, నుష్రత్ భరుచ్చా, నాజర్ తదితరులు నటించారు. ఈ సినిమాకి దర్శకత్వం అభిషేక్ శర్మ వహించారు. నిర్మతలు అరుణా భాటియా, విక్రమ్ మల్హోత్రా, సుభాస్కరన్, మహావీర్ జైన్, ఆశిష్ సింగ్ కలిసి నిర్మించారు. సంగీతం డేనియల్ బి జార్జ్ నిర్మించారు.  కథ డాక్టర్ ఆర్యన్ కులశ్రేష్ట (అక్షయ్ కుమార్) ప్రపంచంలోనే ప్రముఖ ఆర్కియాలజిస్ట్. అఫ్ఘనిస్థాన్‌లో పురాతన కట్టడాల పరిరక్షణకు సంబంధించిన మిషన్‌లో అనేక కొత్త విషయాలను తెలుసుకొని పాకిస్థాన్ ప్రశంసలు పొందడమే కాకుండా ఇండియాలోని ఆర్కియాలజి ఆఫ్ ఇండియాకు డైరెక్టర్ అవుతాడు. అయితే శ్రీలంక, భారత్‌ను కలిపే ప్రాచీన రామసేతు కట్టడం మానవ నిర్మాణమే అంటూ రిపోర్ట్ ఇస్తాడు. ఈ క్రమంలో రామసేతును కూల్చి సేతు సముద్రాన్ని నిర్మించాలని పారిశ్రామికవేత్త ఇంద్రజిత్ (నాజర్) ప్రయత్నిస్తుంటాడు. రామ సేతు మానవ కట్టడమే.. రాముడు నిర్మించలేదని రిపోర్టు ఇచ్చిన తర్వాత ఆర్యన్ కుటుంబం ఎలాంటి సమస్యలను ఎదుర్కొన్నది? ఆర్యన్ రిపోర్టు ఇచ్చిన తర్వాత భార్య, ప్రొఫెసర్ గాయత్రి (నుస్రత్ బారుచా) తన భర్తను విడిచి వెళ్లింది? రామసేతు కట్టడం వెనుక వాస్తవాలు తెలుసుకొనేందుకు వెళ్లిన ఆర్యన్‌కు ఎలాంటి ఇబ్బందులు ఎదురయ్యాయి? ఏపీ (సత్యదేవ్) పాత్ర ఏమిటి? రామ సేతు రహదారి నిర్మాణంపై పరిశోధనలో డాక్టర్ సండ్రా రెబెల్లో (జాక్వలైన్ ఫెర్నాండేజ్) ఆర్యనకు ఎలాంటి సహకారం అందించింది? రామ సేతు కట్టడం మానవ నిర్మాణమా? లేదా రాముడు నిర్మించిన కట్టడమేనా? అనే ప్రశ్నలకు సమాధానమే రామ్ సేతు చిత్ర కథ.