టక్కరి స్టోరీ

టక్కరి సినిమా యాక్షన్ కామిడి ఎంటర్టైనర్ చిత్రం ఇందులో నితిన్, సదా, షాయాజీ షిండే, సనా, రాజేష్, మారితి, అలీ, వేణుమాధవ్, రఘుబాబు తదితరులు ముఖ్యపాత్రాలలో నటించారు. ఈ సినిమాకి దర్శకత్వం అమ్మ రాజశేఖర్ నిర్వహించారు మరియు నిర్మాత పరుచురి శివరామ ప్రసాద్ నిర్మించారు. ఈ చిత్రానికి సంగీతదర్శకుడు చక్రి స్వరాలు సమకుర్చారు.

కథ

గ్యాప్ తరువాత వచ్చిన నితిన్ సినిమా ఇది. ఈ సినిమా లో నితిన్ తిరుపతి పాత్రను పోషించాడు. తిరుపతి ఇష్టం వచ్చినట్టు తిరిగే యువకుడు. ఈయన తిరుగుళ్లు భరించలేక ఆయన తల్లిదండ్రులు(చంద్రమోహన్, సుధ) ఎప్పుడూ తిడుతూనే ఉంటారు. తిరు(షార్ట్ నేమ్) లో మార్పు రాకపోవడంతో కోపం వచ్చిన ఆయన తండ్రి ఇల్లు విడిచివెళ్లిపొమ్మంటాడు. ఇల్లువదిలిన తిరు ఆ రాత్రి దేవాలయంలో పడుకుంటాడు. పొద్దున లేవగానే ఒక అందమైన అమ్మాయి కనిపిస్తుంది. పేరు ప్రియ(సదా). యధాప్రకారమే మన హీరో ప్రేమలో పడతాడు. ప్రియ పేరుగాంచిన వ్యాపారి గురు (షాయాజీ షిండే) చెల్లెలు. తిరు తన ప్రేమను నేరుగా చెప్పకుండా కొత్తదనం కోసం అన్నట్టుగా కొత్త రూట్లో వెళతాడు. ప్రియ అన్న గురును కలిసి తన అభిప్రాయాన్ని వెలిబుచ్చుతాడు. తనతో చెప్పకుండా నేరుగా పెద్దలతో చెప్పడం నచ్చి ప్రియ కూడా ప్రేమలో పడుతుంది. గురు ఒప్పుకున్నాడా...వారి ప్రేమ ఫలించిందా...తిరు తిరిగి ఇంటికి చేరుకున్నాడా అన్న విషయాలు తెరమీద చూడాల్సిందే.