తగ్గేదే లే

తగ్గేదే లే సినిమా యాక్షన్, డ్రామా ఎంటర్టైనర్ చిత్రం ఇందులో నవీన్ చంద్ర, దివ్యా పిళ్లై, అనన్య సేనుగుప్తా, నైనా గంగూలీ, రవి శంకర్, రాజా రవీంద్ర, నాగ బాబు, పూజ గాంధీ, మకరంద్ దేశ్‌పాండే, రవి కాలే తదితరులు నటించారు. శ్రీనివాస రాజు దర్శకత్వం వహించారు. ఈ సినిమాకి సంగీతం చరణ్ అర్జున్ అందించారు.  కథ ఈశ్వర్ (నవీన్ చంద్ర) సాఫ్ట్‌వేర్ ఇంజినీర్. జీవితాన్ని అన్ని రకాలుగా ఆస్వాదించాలనే కోరికతో స్వామి (నాగబాబు) నడిపే ప్యారడైజ్ అనే ఆశ్రమానికి వెళ్తారు. డ్రగ్స్, అమ్మాయిలతో సుఖాలకు అడ్డాగా ఉండే ఆ ఆశ్రమంలో లిజి (అనన్య రాజ్)తో జరిగిన పరిచయం పడక గదిలో శారీరక సంబంధం వరకు వెళ్తుంది. అయితే కొన్ని పరిస్థితుల కారణంగా తన మేన మరదలు దేవీ (దివ్య పిళ్లై)తో ఈశ్వర్‌కు పెళ్లి జరుగుతుంది. కానీ తన లైఫ్‌లోకి రాదని అనుకొన్న ఈశ్వర్ జీవితంలోకి లిజీ మళ్లీ ప్రవేశిస్తుంది. దేవీతో పెళ్లి తర్వాత తన జీవితంలోకి లిజి ప్రవేశించడంతో ఈశ్వర్‌కు జీవితంలో ఎలాంటి సమస్యలు ఎదురయ్యాయి. అనుమానాస్పద రీతిలో తన ఇంట్లోనే లిజి చనిపోవడంతో ఈశ్వర్ పరిస్థితి ఏమైంది? ఈ మర్డర్ కేసు దర్యాప్తు ఎలా జరిగింది? స్వామిజీ నడిపే ఆశ్రమంతో లిజికి ఎలాంటి సంబంధాలు ఉన్నాయి? ఈ కథలో దండుపాళ్యం బ్యాచ్ పాత్రలు ఎమిటి? చివరకు లిజీ మర్డర్ కేసు నుంచి ఈశ్వర్ బయటపడ్డారా? లిజిని హత్య చేసిందెవరు అనే ప్రశ్నలకు సమాధానమే తగ్గేదే లే సినిమా కథ.