ఈ వేసవి లో రిలీజ్ కానున్న తెలుగు యువ హీరోలా క్రేజీ మూవీస్

టాలీవుడ్ యంగ్ హీరో విశ్వక్ సేన్  హీరోగా నటిస్తున్న మూవీ ‘దాస్ కా దమ్కీ’. ఈ మూవీ లో విశ్వక్ సేన్ కి జంటగా   నివేదా పేతురాజ్ నటిస్తోంది. రావు రమేశ్, అజయ్, జబర్దస్త్ హైపర్ ఆది, మహేష్, దర్శకుడు తరుణ్ భాస్కర్, సీనియర్ నటి రోహిణి, పృథ్వీరాజ్ తదితరులు నటించారు.‘దాస్ కా దమ్కీ’ ట్రైలర్ యూత్‌కి బాగా కనెక్ట్ అయ్యింది. ఈ సినిమాను వరల్డ్‌వైడ్‌గా తెలుగు, హిందీ, తమిళ్, మలయాళం భాషల్లో పాన్ ఇండియా మూవీగా ఈ సినిమాని రిలీజ్ చేయబోతున్నారు.

నాగ శౌర్య హీరోగా, మాళవిక నాయర్ హీరోయిన్ గా తెరకెక్కిన ఈ సినిమాను డైరెక్టర్ శ్రీనివాస్ అవసరాల తెరకెక్కించాడు. శ్రీనివాస్ అవసరాల సినిమాలు అంటే కామెడీ ఎంటర్టైనింగ్ గా ఉంటాయి.అందుకే ఈ సినిమాపై మంచి అంచనాలు పెరిగాయి. ఇటీవల నాగశౌర్య నటించే సినిమాలు ప్రేక్షకులను ఆకట్టుకుంటున్నా, కమర్షియల్‌గా మాత్రం అనుకున్న మేర విజయాన్ని అందుకోలేకపోతున్నాయి.వివేక్ సాగర్ సంగీతాన్ని అందిస్తున్నాడు.

సిద్ధు జొన్నలగడ్డ హీరోగా నటించిన డీజే టిల్లూకు సీక్వెల్ రాబోతుంది. టిల్లూ స్క్వేర్ పేరుతో ఈ సినిమాను తెరకెక్కిస్తున్నారు. డీజే టిల్లూకు సీక్వెల్‌గా రాబోతున్న ఈ సినిమా ఫస్ట్ పార్ట్ కంటే కూడా సిద్ధు క్యారెక్టరైజేషన్ క్రేజీగా ఉంటుందని, మరింత వినోదాత్మకంగా ఉంటుందని స్పష్టం చేశారు. డీజే టిల్లు సీక్వెల్‌కు మల్లిక్ రామ్ దర్శకత్వం వహిస్తున్నాడు. సితార ఎంటర్టైన్మెంట్స్, ఫార్చున్ ఫోర్ సినిమాస్ పతాకాలపై నాగ వంశీ నిర్మాతగా వ్యవహరిస్తున్నారు.

నాచురల్ స్టార్ గత కొన్నేళ్లుగా కోరుకున్న సక్సెస్ మాత్రం రావడం లేదు. శ్యామ్ సింగరాయ్ జస్ట్ అనిపించుకుంది. ఆ తర్వాత ‘అంటే సుందరానికీ’ సినిమా బాక్సాఫీస్ దగ్గర సరైన ఫలితాన్ని అందుకోలేదు. ఇపుడు ‘దసరా’ అంటూ తెలంగాణ నేపథ్యంలో ఓ మాస్ ఓరియంటెడ్ మూవీ తో ఈ వేసవి లో వస్తున్నాడు. ఈ చిత్రాన్ని మార్చి 30న ప్రపంచవ్యాప్తంగా గ్రాండ్‌గా థియేట్రికల్ రిలీజ్ కానుంది. ఇప్పటికే విడుదలైన పోస్టర్స్‌తో పాటు టీజర్‌తో సినిమాపై మంచి అంచనాలు ఉన్నాయి. ఈ సినిమా తెలుగు, తమిళం, కన్నడ, మలయాళం, హిందీ భాషల్లో ఒకేసారి విడుదల కానుంది. 

అఖిల్ ఏజెంట్ సినిమాను ఏకే ఎంటర్టెన్మెంట్స్ బ్యానర్ పై రామబ్రహ్మం సుంకర, సురెండర్2 సినిమా బ్యానర్ పై సురేందర్ రెడ్డి సంయుక్తంగా నిర్మిస్తున్నారు. వక్కంతం వంశీ కథను అందిస్తున్నారు.స్పై థ్రిల్ల‌ర్‌గా వస్తోన్న ఈ చిత్రాన్ని భారీగా పాన్ ఇండియా లెవల్లో తెరకెక్కిస్తున్నారు. ఈ సినిమా వేసవి కానుకగా ప్రేక్షకుల ముందుకు వస్తోంది.  ఏప్రిల్ 28న ప్రపంచ వ్యాప్తంగా విడుదల కానుంది. పాన్ ఇండియా రేంజ్‌లో రిలీజ్ చేయనుంది.

స్పై మూవీలో నిఖిల్ కి జోడిగా తమిళ హీరోయిన్ ఐశ్వర్య మీనన్ నటిస్తుంది. శ్రీచరణ్ పకల సంగీతం అందిస్తున్నాడు. ఈడి ఎంటర్టైన్మెంట్స్ పథకం పై కె రాజశేఖర్ రెడ్డి ఈ చిత్రాన్ని నిర్మిస్తున్నాడు. హిందీ, తమిళ్‌, క‌న్న‌డ‌, మ‌ల‌యాళం భాష‌ల్లో విడుద‌ల కానుంది. ఈ మూవీ ఇప్పటికే షూటింగ్ పూర్తి చేసుకొంది. ఈ వేసవి లో రిలీజ్ కానుంది 

యంగ్‌ హీరో సాయిధరమ్‌ తేజ్‌ నటిస్తోన్న తాజా చిత్రం విరూపాక్ష. ఈ సినిమాకి కార్తీక్ దండు  దర్శకత్వం వహిస్తున్నాడు.  అంజ‌నీశ్ లోక్‌నాథ్‌ సంగీతం అందిస్తున్నాడు.  సంయుక్తా మీన‌న్ ఫీ మేల్ లీడ్ రోల్‌ పోషిస్తోంది. బ్రహ్మాజీ, అజ‌య్‌, సునీల్ కీ రోల్స్‌ చేస్తున్నారు. శ్రీ వెంకటేశ్వర సినీ చిత్ర-సుకుమార్ రైటింగ్స్ బ్యాన‌ర్లపై సంయుక్తంగా బీవీఎస్‌ఎన్‌ ప్రసాద్‌ ఈ చిత్రాన్ని తెరకెక్కిస్తున్నారు.