2021లో కోర్టు రూమ్ డ్రామా నేపథ్యంలో తెరకెక్కిన మూవీస్

పవర్ స్టార్ పవన్ కళ్యాణ్.. దిల్ రాజు నిర్మాణంలో శ్రీరామ్ వేణు దర్శకత్వంలో ‘వకీల్ సాబ్’ సినిమా చేసారు. ఈ చిత్రంలో పవన్ కళ్యాణ్ తొలిసారి వకీల్ సాబ్‌ పాత్రలో అదరగొట్టారు పవన్ కళ్యాణ్. చాలా యేళ్ల తర్వాత హై ఓల్టేజ్ లాయర్ పాత్రలో పవన్ కళ్యాణ్ అభిమానులతో పాటు కామన్ ఆడియన్స్‌ను తన నటనతో ఆకట్టుకున్నారు. 

సూర్య హీరోగా  జై భీమ్ సినిమాలో లాయర్ చంద్రూ పాత్రలో అదరగొట్టారు. నిజ జీవిత గాథతో తెరకెక్కిన ఈ చిత్రంలో అమాయకులైన గిరిజనులను కొంత మంది స్వార్థపరులైన పోలీసులు అనవసరంగా అక్రమ కేసుల్లో ఇరికించి వాళ్ల జీవితాలను నాశనం చేస్తారు. అమాయకులైన గిరుజనుల తరుపున పైసా తీసుకోకుండా వాదించే లాయర్  చంద్రూ పాత్రలో సూర్య నటించాడనే కంటే జీవించాడనే చెప్పాలి. ఈ చిత్రంలో సూర్య తో పాటు మిగిలిన నటీనటులు కూడా అద్భుత నటన కనబరిచారు.  

అటు కమెడియన్ ఆలీ.. ‘లాయర్ విశ్వనాథ్’ సినిమాలో లాయర్ పాత్రలో అదరగొట్టారు. ఈ సినిమాలో యూట్యూబ్‌లో అశ్లీల చిత్రాలతో సమాజం ఎలా నాశనం అయితుందో అంటూ చక్కని పాయింట్‌ను ఆవిష్కరించారు. ఈ చిత్రంలో లాయర్ విశ్వనాథ్ పాత్రలో అదరగొట్టారు. 

అల్లరి నరేష్ హీరోగా విజయ్ కనకమేడల దర్శకత్వంలో తెరకెక్కిన ఈ చిత్రంలో చేయని నేరానికి జైలు శిక్ష అనుభవిస్తోన్న వ్యక్తి తరుపున వాదించే లాయర్ పాత్రలో వరలక్ష్మి శరత్ కుమార్ అద్భుతంగా నటించారు. హీరోను ఎలా శిక్ష నుంచి రక్షించారనే కాన్సెప్ట్ ప్రేక్షకులను కట్టిపడేసింది. 

నితిన్ కథానాయకుడిగా చంద్రశేఖర్ యేలేటి డైరెక్ట్ చేసిన మూవీ ‘చెక్’. ఓ ఉగ్రదాడిలో సంబంధం ఉన్న నెపంతో హీరోకు ఉరి శిక్ష విధిస్తారు. చేయని నేరానికి ఉరి కంబం ఎక్కబోయే హీరో ఎలా చెస్ ఛాంపియన్ అవుతాడు. ఈ నేపథ్యంలో అతను నిర్ధోషి అంటూ హీరోయిన్ హీరో తరుపున వాదిస్తోంది. ఈ నేపథ్యంలో చెస్‌లో గెలిచిన హీరో.. ఉరిశిక్ష నుంచి బయటపడ్డాడా లేదా అనే కాన్సెస్ట్‌తో ఈ సినిమాను తెరకెక్కింది. 

సత్యదేవ్ కంచర తొలిసారి 'తిమ్మరుసు' సినిమాలో  లాయర్ పాత్రలో నటించారు. శరన్ కొప్పిశెట్టి డైరెక్ట్ చేసిన ఈ సినిమా  మంచి వసూళ్లనే సాధించి ఓకే అనిపించింది. ఈ సినిమాలో ఓ మర్డర్ కేసులో చేయని నేరానికి  అన్యాయంగా జైలు శిక్ష అనుభవించిన ఓ వ్యక్తి తరుపున వాదించి అతను ఆ తప్ప చేయలేదని వాదించే లాయర్ పాత్రలో అద్భుతంగా నటించారు.