టైగ‌ర్ నాగేశ్వ‌ర‌రావు, ఈగ‌ల్‌ వ‌రుస‌గా సీజన్స్‌ని టార్గెట్ చేస్తున్న రవితేజ

ర‌వితేజ హీరోగా త్రినాథ రావు న‌క్కిన ద‌ర్శ‌క‌త్వంలో రూపొందిన చిత్రం ‘ధమాకా’. ఈ సినిమా 2022 క్రిస్మ‌స్ సీజ‌న్‌లో రిలీజ్ చేశారు. రొటీన్ క‌మ‌ర్షియ‌ల్ ఎంట‌ర్‌టైన‌రే అయినా ర‌వితేజ న‌ట‌న‌,  శ్రీలీల గ్లామ‌ర్‌, కామెడీ, పాట‌లు అన్నీ వ‌ర్క‌వుట్ కావ‌టంతో ‘ధమాకా’ ఏకంగా రూ.100 కోట్ల గ్రాస్ కలెక్ష‌న్స్‌ను సాధించింది. ర‌వితేజ కెరీర్‌లో బిగ్గెస్ట్ హిట్‌గా నిలిచింది. 

మెగాస్టార్ చిరంజీవితో ర‌వితేజ క‌లిసి న‌టించిన చిత్రం వాల్తేరు వీర‌య్య‌. ర‌వితేజ పాత్ర ఫ్లాష్ బ్యాక్‌కే ప‌రిమితం. అయితేనేం, మాస్ మ‌హారాజా త‌న‌దైన మార్క్ చూపించారు. యాక్ష‌న్‌తో దుమ్ముదులిపారు. ఈ సినిమా అయితే 2023 సంక్రాంతి సీజ‌న్‌లో రిలీజైంది. ఈ మూవీ స‌క్సెస్‌లో ర‌వితేజ పాత్ర చాలా కీల‌కంగా మారింద‌ని ఎవ‌రైనా చెబుతారు. 

ర‌వితేజ‌, సుధీర్ వ‌ర్మ కాంబినేష‌న్‌లో వ‌చ్చిన చిత్రం ‘రావణాసుర’. ఈ మూవీ 2023 సమ్మర్‌లో విడుద‌లైంది. ఇందులో తొలిసారి ర‌వితేజ లాయ‌ర్ పాత్ర‌లో న‌టించారు. ఈ స‌స్పెన్స్ థ్రిల్ల‌ర్‌లో ర‌వితేజ త‌న‌దైన శైలిలో రెచ్చిపోయినా ఎక్క‌డో తేడా కొట్టేసింద‌నే చెప్పాలి. దీంతో సినిమా ఆశించిన స్థాయిలో  స‌క్సెస్ కాలేదు. 

ర‌వితేజ న‌టిస్తోన్న తొలి బ‌యోపిక్ టైగ‌ర్ నాగేశ్వ‌ర‌రావు. వంశీ కృష్ణ ద‌ర్శ‌క‌త్వంలో రూపొందుతోన్న భారీ బ‌డ్జెట్ మూవీ. భారీ మూవీయే కాదు.. ర‌వితేజ కెరీర్‌లో రిలీజ్ అవుతున్న తొలి పాన్ ఇండియా మూవీ కూడా ఇదే. దీన్ని ఈ ఏడాది ద‌స‌రా సీజ‌న్‌లో విడుద‌ల చేస్తున్నారు. భారీ అంచ‌నాల‌తో రాబోతున్న సినిమా ఇది. 

ర‌వితేజ లేటెస్ట్ మూవీ ఈగ‌ల్‌. కార్తీక్ ఘ‌ట్ట‌మ‌నేని ద‌ర్శ‌క‌త్వంలో రాబోతున్న సినిమా. ఇందులో అనుప‌మ ప‌ర‌మేశ్వ‌రన్ హీరోయిన్‌. టీజ‌ర్‌తో ఈ సినిమా హైప్స్ నెక్ట్స్ రేంజ్‌కు చేరుకున్నాయి. ఈ సినిమాను కూడా వ‌చ్చే ఏడాది సంక్రాంతికే విడుద‌ల చేస్తున్నారు. ఇప్ప‌టికే సంక్రాంతి రేసులో ప్రాజెక్ట్ కె, గుంటూరు కారం సినిమాలున్నాయి. ఇప్ప‌డు ర‌వితేజ ఈగ‌ల్ కూడా చేర‌టం విశేషం.