పాజిటివ్ టాక్‌ తెచ్చుకొని ఫ్లాప్ అయిన టాప్ 5 సినిమాలు..!

రామ్ చరణ్ కెరీర్‌లో చాలా మంచి సినిమా ఆరెంజ్. కాకపోతే రావాల్సిన దానికంటే కూడా చాలా ఏళ్ల ముందు ఈ చిత్రాన్ని తెరకెక్కించాడు బొమ్మరిల్లు భాస్కర్. ఇప్పుడు కానీ ఆరెంజ్ సినిమా విడుదలై ఉంటే కచ్చితంగా సంచలనం సృష్టించేది అంటారు విశ్లేషకులు. ఇప్పటికీ క్లాసిక్ సినిమాల్లో ఒకటి ఆరెంజ్.

మహేష్ బాబు కెరీర్లో మీకు నచ్చిన సినిమా ఏది అంటే చాలా మంది ఖలేజా అని చెబుతారు. ఓ రకంగా దూకుడు సినిమా రావడానికి కారణం ఇదే. మహేష్‌లోని కామెడీ టైమింగ్‌ను పూర్తి స్థాయిలో ఎక్స్‌ప్లోర్ చేసిన సినిమా ఇదే. కానీ థియేటర్లలో సినిమా ఫ్లాప్ అయినా టీవీలో మాత్రం ఖలేజా బ్లాక్ బస్టర్.

శర్వానంద్‌కు కమర్షియల్ ఇమేజ్ లేని సమయంలో వచ్చిన సినిమా ప్రస్థానం. దేవాకట్టా తెరకెక్కించిన ఈ చిత్రంపై ప్రశంసల వర్షంతో పాటు అవార్డులు కూడా కురిసాయి. కానీ కాసులు మాత్రం కురవలేదు. నటుడిగా శర్వాను చాలా మెట్లు ఎక్కించిన సినిమా ఇది. సాయి కుమార్ నటన ఇందులో అద్భుతం.

మహేష్ బాబు, సుకుమార్ కాంబినేషన్‌లో వచ్చిన ఈ చిత్రం అప్పట్లో స్క్రీన్ ప్లే కారణంగా ఫ్లాప్ అయింది. కామన్ మాస్ ప్రేక్షకులను తికమక పెట్టే మరీ  అర్థం కాని స్క్రీన్ ప్లే ఉండటంతో అందమైన కథ ఉన్నా కూడా నేనొక్కడినే ఫ్లాప్ అయింది. కానీ చాలా మంది ఈ చిత్రాన్ని బాగా ఇష్టపడతారు.

రామ్ హీరోగా సుకుమార్ తెరకెక్కించిన సినిమా జగడం. 2007లో వచ్చిన ఈ చిత్రానికి మంచి టాక్ వచ్చింది.  విడుదలై 16 యేళ్లైన ఇప్పటికీ ఫ్రెష్‌గా ఉంటుంది.  మరీ సినిమా అగ్రెసివ్‌గా ఉండటంతో జగడం సినిమాను ప్రేక్షకులు డైజెస్ట్ చేసుకోలేకపోయారు.