2023 సంక్రాంతి కానుకగా థియేటర్స్ లో విడుదలైన సినిమాలు ..ఓటీటీలో స్ట్రీమింగ్

సంతోష్ శోభ‌న్‌, ప్రియా భ‌వానీ నటించిన క‌ళ్యాణం క‌మ‌నీయం ఈ సినిమా సంక్రాంతి కానుక‌గా జ‌న‌వ‌రి 14న రిలీజైంది. రొమాంటిక్ ఫ్యామిలీ ఎంట‌ర్‌టైన‌ర్‌.  ఒక‌రిపై మ‌రొక‌రికి న‌మ్మ‌కం, ప్రేమ ఉన్న‌ప్పుడే పెళ్లి బంధం నిల‌బ‌డుతుంద‌నే పాయింట్‌తో వినోదానికి ఫ్యామిలీ సెంటిమెంట్‌ను జోడించి ద‌ర్శ‌కుడు అనిల్ కుమార్ ఆళ్ల క‌ళ్యాణం క‌మ‌నీయం సినిమాను తెర‌కెక్కించారు. ఆహా లో ఫిబ్ర‌వ‌రి 17 నుంచి స్ట్రీమింగ్ అవుతోంది. 

జ‌న‌వ‌రి 12న సంక్రాంతికి కానుకగా విడుదలైన వీరసింహారెడ్డి బ్లాక్ బాస్టర్ హిట్ గా నిలిచింది. ఈ  సినిమా కలెక్షన్స్ చూస్తేనే అర్థమైపోతుంది.. బాక్సాఫీస్ వద్ద బాలయ్య స్టామినా ఇంకా తగ్గలేదని. దాదాపు రూ.110 కోట్ల బడ్జెట్ తో తెరకెక్కించగా రూ.133.55 కోట్ల మేర కలెక్షన్స్ రాబట్టినట్లు ట్రేడ్ వర్గాలు తెలిపాయి. సినిమాని థియేటర్లో చూసినా కూడా ప్రేక్షకులు ఓటీటీలోకి ఎప్పుడెడ్డుపు వస్తుందా అని ఎదురుచూశారు. ఫిబ్ర‌వ‌రి 23 సాయంత్రం 6 గంట‌ల నుంచి డిస్నీ ప్లస్ హాట్‌స్టార్ లో స్ట్రీమింగ్ అవుతోంది 

మెగాస్టార్ చిరంజీవి, శృతిహాసన్, రవితేజ ప్రధాన పాత్రలు పోషించారు. ప్రకాశ్ రాజ్, బాబీ సింహా, సత్యరాజ్ తదితరులు నటించిన 2023 జనవరి 13 న వాల్తేరు వీరయ్య చిత్రం థియేటర్లలో విడుదలైంది. బాక్సాఫీస్ వద్ద బంపర్ హిట్ కొట్టింది. కేవలం హిట్ మాత్రమే కాదు చిరు కెరీర్ లో అత్యధిక వసూళ్ళు రాబట్టిన చిత్రాల జాబితాలో ఒకటిగా వాల్తేరు వీరయ్య నిలిచింది. ఈ సినిమా ఫిబ్రవరి 27 న నెట్‌ఫ్లిక్స్ లో స్టీమింగ్ అవుతోంది. 

సంక్రాంతి కానుక‌గా జ‌న‌వ‌రి 11న ఈ సినిమా రిలీజైంది. అజిత్ క్యారెక్ట‌రైజేష‌న్‌, యాక్టింగ్ అభిమానుల‌ను ఆక‌ట్టుకున్నాయి. వ‌ర‌ల్డ్ వైడ్‌గా ఈ సినిమా 150 కోట్ల‌కుపైగా క‌లెక్ష‌న్స్ రాబ‌ట్టి నిర్మాత‌ల‌కు భారీగా లాభాల‌ను మిగిల్చింది. త‌మిళంతో పాటు తెలుగు వెర్ష‌న్ కూడా ఫిబ్ర‌వ‌రి 8 నుంచి నెట్‌ఫ్లిక్స్‌లో స్ట్రీమింగ్ అవుతోంది. క్రెడిట్ కార్డులు, మ్యూచ్‌వ‌ల్ ఫండ్స్ పేరుతో ప్ర‌జ‌ల‌ను మోసం చేస్తూ కోట్లాది రూపాయ‌ల స్కామ్‌కు పాల్ప‌డిన కొంద‌రు బ‌డా వ్య‌క్తుల‌ను ఓ ఇంట‌ర్‌నేషన‌ల్ క్రిమిన‌ల్ ఎలా చ‌ట్టానికి ప‌ట్టించాడ‌న్న‌దే తునివు క‌థ‌.

వారిసు సినిమా తెలుగులో వార‌సుడు పేరుతో డ‌బ్ చేశారు. జ‌న‌వ‌రి 11న వారిసు జ‌న‌వ‌రి 14న వార‌సుడు రిలీజైంది.  సినిమా వ‌ర‌ల్డ్ వైడ్‌గా 300 కోట్ల‌కుపైగా క‌లెక్ష‌న్స్ రాబ‌ట్టింది. విజ‌య్ కెరీర్‌లో అత్య‌ధిక క‌లెక్ష‌న్స్ రాబ‌ట్టిన సినిమాల్లో ఒక‌టిగా నిలిచింది. ఈ సినిమా ఫిబ్ర‌వ‌రి 22 నుంచి అమెజాన్ ప్రైమ్‌లో స్ట్రీమింగ్ కానుంది. త‌మిళం, తెలుగు తో పాటు ద‌క్షిణాది భాష‌ల‌న్నింటిలో అదే రోజు ఈ సినిమా స్ట్రీమింగ్ అవుతోంది