కళ్యాణం కమనీయం

కళ్యాణం కమనీయం సినిమా కామెడీ, రొమాంటిక్ ఎంటర్టైనర్ చిత్రం ఇందులో సంతోష్ శోభన్, ప్రియా భవాని శంకర్, దేవి ప్రసాద్, పవిత్ర లోకేష్, సత్యం రాజేష్, సప్తగిరి తదితరులు నటించారు. ఈ సినిమాకి దర్శకత్వం అనిల్ కుమార్ అల్లా వహించారు. సంగీతం శ్రవణ్ భరద్వాజ్ అందించారు.  కథ శివ (సంతోష్ శోభన్), శృతి నాలుగేళ్ల పరిచయం, రెండేళ్ల అఫైర్ తర్వాత పెళ్లి చేసుకోవాలని నిర్ణయించుకొంటారు. శృతి సాఫ్ట్‌వేర్ ఇంజినీర్, శివ నిరుద్యోగి. అయితే ఉద్యోగం లేని తన కొడుకుకు పెళ్లి చేయడానికి శివ తండ్రి నిరాకరిస్తాడు. అయితే ఓ కారణంగా చివరకు శివ, శృతికి పెళ్లి రెండు కుటుంబాలే జరిపిస్తాయి. అయితే ఉద్యోగం లేని కారణంగా అందరూ చిన్నచూపు చూడటం, ఇంటర్వ్యూలకు వెళ్లినా ఉద్యోగం రాకపోవడంతో శృతిలో అసంతృప్తి పెరుగుతుంది. దాంతో శివకు 10 లక్షలు ఇచ్చి కన్సెల్టెన్సీ ద్వారా ఉద్యోగం సంపాదించడానికి శృతి సిద్దమవుతుంది. శివ 10 లక్షలు బ్యాంక్ నుంచి విత్ డ్రా చేసి వస్తుండగా చోరికి గురవుతాయి. ఉద్యోగం లేకపోయినా శివకు తల్లిదండ్రులు ఎందుకు పెళ్లి జరిపిస్తారు. ఉద్యోగం ఉన్న శృతితో తొందరగా పెళ్లి జరిపించాలని ఆమె తండ్రి ఎందుకు ఆరాటపడ్డాడు? పెళ్లి విషయంలో శివ తండ్రిని శృతి తండ్రి ఎలా ఒప్పించాడు. 10 లక్షల రూపాయలు చోరి అయిన తర్వాత శివ పరిస్థితి ఏమిటి? శృతితో సాఫ్ట్‌వేర్ ఉద్యోగం దొరికిందని అబద్దం ఆడి శివ ఎందుకు క్యాబ్ డ్రైవర్‌గా మారాడు? శివ క్యాబ్ డ్రైవర్‌గా పనిచేస్తున్నారనే విషయం తెలిసి తర్వాత శృతి తీసుకొన్న నిర్ణయం ఏమిటి? శివను వదిలేసి వెళ్లిన శృతికి ఎలాంటి పరిస్థితులు ఎదురయ్యాయనే ప్రశ్నలకు సమాధానమే కల్యాణం కమనీయం సినిమా కథ.