పెళ్లి త‌ర్వాత ఫైటింగుల‌కు సై అంటోన్న ముద్దుగుమ్మ‌లు

సౌతిండియా మూలాలతో నార్త్ ఇండియాలో సెటిలైన దీపికా ప‌దుకొనె ర‌ణ్వీర్ సింగ్‌ను పెళ్లి చేసుకున్న త‌ర్వాత కూడా సినిమాల్లో కంటిన్యూ అవుతుంది. గ్లామ‌ర్ పాత్ర‌ల‌తో పాటు యాక్ష‌న్ స‌న్నివేశాల్లోనూ అద‌ర‌గొడుతుంది. ప‌ఠాన్ చిత్రంలో షారూఖ్‌తో క‌లిసి వావ్ అనిపించిన దీపికా ప‌దుకొనె ఇప్పుడు జ‌వాన్ చిత్రంలో గెస్ట్ రోలే చేసినా యాక్ష‌న్ సీన్స్‌లో న‌టించింది. 

క్యూట్ అండ్ బ్యూటీఫుల్‌గా మెప్పిస్తూ వ‌చ్చిన అలియా భ‌ట్‌.. ర‌ణ్‌భీర్ క‌పూర్‌ను పెళ్లి చేసుకున్న త‌ర్వాత‌ ఉన్న‌ట్లుండి త‌న దారిని యాక్ష‌న్ వైపు మ‌ళ్లించింది. ఏకంగా హాలీవుడ్ స్పై యాక్ష‌న్ థ్రిల్ల‌ర్ `హార్ట్ ఆఫ్ స్టోన్‌` చిత్రంలో విల‌న్‌గా న‌టించింది. రీసెంట్‌గా వ‌చ్చిన ఆమూవీ ట్రైల‌ర్‌లో అలియా చేసిన స్టంట్స్ చూసి వామ్మో అలియాలో ఈ కోణం కూడా ఉందా? అని అంద‌రూ ఆశ్చ‌ర్య‌పోయారు. ఇక బాలీవుడ్ మేక‌ర్స్ అలియా భ‌ట్‌కి యాక్ష‌న్ సినిమాల్లో అవ‌కాశం ఇస్తారో లేదో చూడాలి మ‌రి. 

బాలీవుడ్ సినీ ఇండ‌స్ట్రీలో అగ్ర హీరోలంద‌రితో ఆడిపాడిన క‌త్రినా కైఫ్ విక్కీ కౌశ‌ల్‌ను పెళ్లి చేసుకున్న త‌ర్వాత కూడా మూవీస్‌లో యాక్ట్ చేస్తోంది. బాలీవుడ్ హిట్ యాక్ష‌న్ సిరీస్ టైగ‌ర్‌లో మూడో సినిమా టైగ‌ర్ 3లో క‌త్రినా న‌టిస్తుంది. ఇందులో ఆమె స‌ల్మాన్ ఖాన్‌తో క‌లిసి అద‌ర‌గొడుతుంద‌న‌టంలో సందేహం లేదు. అయితే ఆమె యాక్ష‌న్ స్టంట్స్ ఏ మేర‌కు ఆక‌ట్టుకుంటాయ‌నేది అంద‌రిలోనూ ఆస‌క్తిని క‌లిగిస్తోంది.   

సౌతిండియా లేడీ సూప‌ర్‌స్టార్ ఇమేజ్ ఉన్న న‌య‌న‌తార డైరెక్ట‌ర్ విఘ్నేష్ శివ‌న్‌ను పెళ్లి చేసుకున్న త‌ర్వాత చేస్తోన్న సినిమాల్లో జ‌వాన్ ఒక‌టి. షారూఖ్ ఖాన్‌తో క‌లిసి న‌టిస్తోంది. ఇది బాలీవుడ్‌తో పాటు తెల‌గు, త‌మిళ భాష‌ల్లో రిలీజ్ అవుతుంది. ఈ సినిమాలో న‌య‌న్ ఓ ప‌వ‌ర్ఫుల్ రోల్ చేస్తుంద‌ని రీసెంట్‌గా వ‌చ్చిన జ‌వాన్ ప్రివ్యూతో క్లియ‌ర్ అయ్యింది. 

నార్త్ అమ్మాయి అయిన‌ప్ప‌టికీ సౌత్‌పైనే ఎక్కువ ఫోక‌స్ చేసిన బ్యూటీ కాజ‌ల్ అగ‌ర్వాల్. గౌత‌మ్ కిచ్లుని పెళ్లి చేసుకున్న త‌ర్వాత రెండు సినిమాల్లో న‌టిస్తోంది. అందులో ఒక‌టి ఇండియ‌న్ 2. ఈ సినిమాలో ప‌క్కా యాక్ష‌న్ సీన్స్‌లో అది కూడా క‌మ‌ల్ హాస‌న్‌తో క‌లిసి న‌టింస్తుంది. ఈ సినిమా కోసం గుర్ర‌పు స్వారీ, క‌త్తి యుద్ధాల‌ను ఆమె నేర్చుకుంది. ఆమె పాత్ర ఎలా ఉంటుంద‌నే ఇంట్రెస్ట్ అంద‌రిలోనూ నెల‌కొంది. దీంతో పాటు స‌త్య‌భామ అనే సినిమాలో ప‌వ‌ర్ఫుల్ లేడీ పోలీస్ ఆఫీస‌ర్ రోల్‌లో అల‌రించ‌నుంది కాజ‌ల్‌. 

తెలుగు, త‌మిళ చిత్రాల్లో స్టార్ హీరోయిన్ ఇమేజ్ సంపాదించుకున్న స‌మంత‌.. నాగ‌చైత‌న్య‌తో విడిపోయింది. అయితే పెళ్లి అయిన త‌ర్వాత ఆమె చేసిన ఫ్యామిలీ మ్యాన్ 2 సిరీస్‌, విడాకుల త‌ర్వాత ఇప్పుడు చేసిన సిటాడెల్ సిరీస్‌లో సామ్ యాక్ష‌న్ సీన్స్‌లో న‌టించి అద‌ర‌హో అనిపించింది మ‌రి.