జయమ్మ పంచాయతీ

జయమ్మ పంచాయతీ సినిమా డ్రామా ఎంటర్టైనర్ చిత్రం ఇందులో సుమాకనకల తదితరులు నటించారు.  ఈ సినిమాకి దర్శకత్వం విజయ్ కుమార్ కలివరపు వహించారు. నిర్మాత బలగ ప్రకాష్ రావు నిర్మించారు. ఎమ్ ఎమ్ కీరవాణి సంగీతం అందించారు.   కథ శ్రీకాకుళం జిల్లా పాలకొండ దగ్గర ఉన్న ఒక చిన్న పల్లెటూరిలో తన భర్త(దర్శకుడు దేవి ప్రసాద్), ఇద్దరు ఆడపిల్లలతో ప్రశాంతమైన జీవితం సాగిస్తూ ఉంటుంది జయమ్మ. భర్త మంచితనంతో ఉన్న ఆస్తులన్నీ పోగొట్టుకుని కౌలుకి పొలం చేస్తూ ఉన్నంతలో తృప్తిగానే బతుకుతూ ఉంటుంది. ఊరిలో అందరికీ తలలో నాలుకలా వ్యవహరించే జయమ్మ అంటే ఊరు అందరూ కూడా భయపడుతూ ఉంటారు. తన పెద్ద కుమార్తె పుష్పవతి అయిన సమయంలో భర్తకు గుండె జబ్బు ఉన్న సంగతి తెలుసుకుంటుంది. అయితే కుమార్తె పుష్పవతి ఫంక్షన్ రోజున తమ ప్రాంతంలో ఎంతో కాలంగా వస్తున్న చదివింపులు కార్యక్రమంతో వచ్చిన డబ్బుతో భర్త గుండె ఆపరేషన్ చేయించుకోవచ్చు అనుకుంటుంది. అయితే అనుకున్నంత డబ్బు రాక పోవడంతో భర్తను కాపాడుకోవడం కోసం ఏం చేసింది? గుండె జబ్బుతో బాధ పడుతున్న జయమ్మ భర్త బతికాడా? భర్తను బతికించుకోవడం కోసం జయమ్మ పెట్టిన పంచాయితీ ఏమైంది అనేదే ఈ సినిమా కథ.