కనులు కనులను దోచాయంటే స్టోరీ

సిద్దు (దుల్కర్ సల్మాన్) యాప్ డెవలపర్ అని చెప్పుకుంటూ తన స్నేహితుడితో వైట్ కాలర్ నేరాలు చేస్తూ జీవితాన్ని గడిపేస్తుంటారు. ఆ క్రమంలో తొలి చూపులోనే మీరా అలియాస్ మధుమిత (రితూవర్మను చూసి సిద్దు ప్రేమలో పడిపోతాడు. కానీ ఓ దశలో మధుమిత ఇచ్చిన షాక్‌కు సిద్ధూ ద్వయానికి దిమ్మ తిరిగిపోతుంది. వైట్ కాలర్ నేరాలను పరిశోధించే ఆఫీసర్ ప్రతాప్ ( గౌతమ్ వాసుదేవ మీనన్) చేతికి సిద్ధూ ద్వయం దొరికిపోతారు. సిద్దూకు మధుమిత ఎలాంటి షాకిచ్చింది? ఆ షాక్ నుంచి తేరుకొని మధుమితకు ఎలాంటి గుణపాఠం చెప్పాలనుకొన్నాడు? పోలీస్ ఆఫీసర్ తన కేసును ఎలా పరిశోధించాడు? సిద్ధు, అతడి స్నేహితుడు ఎందుకు దొంగతనాలకు పాల్పడాలనుకొంటారు. ఈ కథలో మధుమిత, ఆమె స్నేహితురాలు (నిరంజనీ) పాత్రలు ఏంటి? సిద్ధును మధుమిత ఎందుకు మోసగించింది. ఈ స్టోరీలో సాఫ్ట్ విలన్ ( అనీష్ కురువిల్లా) ఎలాంటి ట్విస్టులు ఇచ్చాడనే ప్రశ్నలకు సమాధానమే కనులు కనులను దోచాయంటే సినిమా కథ.