శమంతకమణి స్టోరీ

హైదరాబాద్‌లో ప్రముఖ వ్యాపారవేత్త జగన్నాథం (సుమన్) కుమారుడు కృష్ణ ( సుధీర్ కుమార్). చిన్నతనంలోనే రోడ్డు ప్రమాదంలో తల్లిని పోగొట్టుకొన్న కృష్ణ ఆమె జ్ఙాపకాలతోనే జీవితాన్ని నెట్టుకొస్తుంటాడు. కోటిపల్లి అనే గ్రామంలో థియేటర్ నడిపే శివ ( సందీప్ కిషన్) ప్రియురాలి మోసానికి గురై పట్నం చేరుకొంటాడు. మధ్యతరగతి కుటుంబానికి చెందిన కార్తీక్ (ఆది) గొప్పింటి యువతిని పెళ్లి చేసుకోవాలని కలలు కని భంగపాటుకు గురవుతాడు. నగరంలోనే ఉమామహేశ్వర్‌రావు ఉరఫ్ మహేశ్ (రాజేంద్రప్రసాద్) మెకానిక్‌గా పనిచేస్తుంటాడు. ఇదిలా ఉండగా జగన్నాథం వేలంలో ఐదుకోట్లు వెచ్చించి వింటేజ్ రోల్స్ రాయిస్ కారు కొనుగోలు చేస్తాడు. తన తల్లి, తన పుట్టిన రోజును పురస్కరించుకొని ఫ్రెండ్స్‌కు పార్టీ ఇవ్వడానికి రోల్స్ రాయిస్ కారును తీసుకొని నగరంలోని ఓ ఫైవ్‌స్టార్ హోటల్‌కు వెళ్తాడు. వీరంతా ఆ హోటల్‌లోని పబ్‌లో మత్తులో మునిగి తేలుతారు. పార్టీ అనంతరం ఆ కారు చోరికి గురైంది పోలీస్ ఇన్స్‌పెక్టర్ రంజిత్ కుమార్ ( నారా రోహిత్)కు ఫిర్యాదు అందడంతో అసలు కథ ఊపందుకొంటుంది. రోల్స్ రాయిస్‌‌ను ఎవరు దొంగిలించారనే కోణంలో రంజిత్ కుమార్ దర్యాప్తు ప్రారంభిస్తాడు. ఆ క్రమంలో ఆ పార్టీకి వచ్చిన శివ, కార్తీక్, సుధీర్ కుమార్, ఉమామహేశ్వర్ రావు అనుమానితులుగా మారుతారు. అయితే ఈ నలుగురికి కారు చోరికి సంబంధం ఉందా? వారిలో ఎవరు దొంగిలించారు? వారికి కారు చోరితో సంబంధం లేకపోతే కారు ఏమైపోయింది లాంటి ప్రశ్నలకు సమాధానమే శమంతకమణి చిత్ర కథ.