టాలీవుడ్లో తక్కువ సమయంలోనే తనకంటూ ప్రత్యేక గుర్తింపు తెచ్చుకున్న హీరోయిన్లలో మీనాక్షి చౌదరి (Meenakshi Chaudhary) ఒకరు. అందం, అభినయం మాత్రమే కాదు… గ్లామర్కు ప్రాధాన్యత ఉన్న పాత్రలను తెలివిగా ఎంచుకుంటూ ఆమె తన ఫాలోయింగ్ను వేగంగా పెంచుకుంది. కొత్త హీరోయిన్ల మధ్య గట్టి పోటీ ఉన్నా, మీనాక్షి మాత్రం తనదైన స్టైల్తో ప్రేక్షకుల మనసుల్లో ప్రత్యేక స్థానం సంపాదించుకుంది.
హర్యానాకు చెందిన ఈ ముద్దుగుమ్మ తెలుగులో ఇచ్చట వాహనములు నిలుపరాదు అనే సినిమాతో ఎంట్రీ ఇచ్చింది. అయితే మొదటి సినిమా తర్వాత ఆశించిన స్థాయిలో హిట్లు రాకపోవడంతో కొంతకాలం బ్రేక్ ఎదురైంది. అయినప్పటికీ అవకాశాల కోసం ఎదురుచూస్తూ, సరైన కథ దొరికే వరకు ఓపికగా వెయిట్ చేసింది. ఆ వెయిటింగ్కు సరైన ఫలితం దక్కింది మాత్రం తర్వాతే.
అడవి శేషు హీరోగా నటించిన హిట్ 2 ( HIT: The Second Case) మీనాక్షి కెరీర్ను పూర్తిగా మలుపు తిప్పింది. ఈ సినిమా హిట్ కావడంతో ఆమెకు నటిగా మంచి గుర్తింపు లభించింది. అంతేకాదు, ఈ మూవీ తర్వాత టాలీవుడ్లో మీనాక్షికి వరుసగా ఆఫర్లు రావడం ప్రారంభమయ్యాయి. అప్పటినుంచి ఆమె కెరీర్ గ్రాఫ్ వేగంగా పైకి వెళ్లింది.
ఆ తర్వాత గుంటూరు కారం, లక్కీ భాస్కర్, సంక్రాంతికి వస్తున్నాం వంటి సినిమాలతో భారీ విజయాలను తన ఖాతాలో వేసుకుంది. ముఖ్యంగా ‘సంక్రాంతికి వస్తున్నాం’ సినిమాతో మీనాక్షి క్రేజ్ నెక్ట్స్ లెవల్కు చేరింది. ఈ మూవీ తర్వాత ఆమెను ‘మోస్ట్ వాంటెడ్ హీరోయిన్’గా ట్రేడ్ వర్గాలు పిలవడం మొదలుపెట్టాయి.
గతేడాది ప్రారంభంలోనే సంక్రాంతికి వస్తున్నాం సినిమాతో పండక్కి బ్లాక్బస్టర్ అందుకున్న మీనాక్షి, ఇప్పుడు మళ్లీ సంక్రాంతి సీజన్లో మరోసారి తన అదృష్టాన్ని పరీక్షించుకుంది. తాజాగా అనగనగా ఒక రాజు సినిమాతో ప్రేక్షకుల ముందుకు వచ్చింది. ఈ సినిమాలో నవీన్ పొలిశెట్టి సరసన నటించిన ఆమె నటనకు మంచి స్పందన లభిస్తోంది. సంక్రాంతి బరిలో ఉన్న ఇతర సినిమాలకు గట్టి పోటీ ఇస్తూ, ఈ మూవీ కూడా హిట్ దిశగా సాగుతోంది.
ఇదే కాకుండా, అక్కినేని నాగచైతన్య సరసన వృషకర్మ సినిమాలో కూడా మీనాక్షి నటిస్తోంది. ఈ ప్రాజెక్ట్తో ఆమె స్టార్డమ్ మరింత పెరగనుందని ఇండస్ట్రీ వర్గాలు భావిస్తున్నాయి. వరుస హిట్లు, చేతినిండా సినిమాలతో మీనాక్షి చౌదరి ప్రస్తుతం టాలీవుడ్లో టాప్ హీరోయిన్ల జాబితాలోకి దూసుకెళ్తోందని చెప్పడంలో ఎలాంటి సందేహం లేదు.
Click it and Unblock the Notifications
Continue with Google