హైదరాబాద్కు చెందిన అచ్చ తెలుగు అమ్మాయి ఫరియా అబ్ధుల్లా. ఆమె పూర్తి పేరు.. ఫరియా సుల్తానా బేగం. జాతిరత్నాలు తర్వాత మోస్ట్ ఎలిజబుల్ బ్యాచిలర్, బంగార్రాజు, లైక్ షేర్ అండ్ సబ్స్క్రైబ్, రావణాసుర, ఆ ఒక్కటి ఆడక్కు, కల్కి 2898 ఏడీ, మత్తు వదలారా 2, గుర్రం పాపిరెడ్డి, అనగనగా ఒకరాజు సినిమాలో నటించారు.
ప్రస్తుతం తరుణ్ భాస్కర్ హీరోగా తెరకెక్కిన గాయపడ్డ సింహం మూవీలో కీలకపాత్ర పోషించింది ఫరియా. గెస్ట్ రోల్ అయినప్పటికీ తరుణ్ భాస్కర్తో రొమాంటిక్ ట్రాక్ కూడా ఉంటుందని ఈ ముద్దుగుమ్మ చెప్పింది. కశ్యప్ శ్రీనివాస్ దర్శకత్వంలో తెరకెక్కుతోన్న గాయపడ్డ సింహం మూవీ మే 1న ప్రేక్షకుల ముందుకు రానుంది.
గాయపడ్డ సింహంలో సీనియర్ నటుడు జేడీ చక్రవర్తి కీలకపాత్రలో కనిపించనున్నారు. ఇప్పటికే రిలీజ్ చేసిన టీజర్, ట్రైలర్లు, ప్రమోషనల్ కార్యక్రమాలతో ఈ సినిమాపై భారీ అంచనాలు నెలకొన్నాయి. గాయపడ్డ సింహంపై ఎన్నో అంచనాలు పెట్టుకుంది ఫరియా.
ఫరియా అబ్ధుల్లా మల్టీ టాలెంటెడ్. నటన మాత్రమే కాదు.. ఆమెలో సింగర్, డ్యాన్సర్, రచయిత కూడా ఉన్నారు. మత్తు వదలరా 2లో సొంతంగా ర్యాప్ సాంగ్ రాసిన ఆమె.. స్వయంగా ఆలపించారు. అంతేకాదు ఈ సాంగ్కి కొరియోగ్రఫి కూడా చేసి తన టాలెంట్ నిరూపించుకున్నారు. థియేటర్ ఆర్టిస్ట్గా, యూట్యూబర్గా, సోషల్ మీడియా ఇన్ఫ్లూయెన్సర్గానూ రాణిస్తున్నారు ఫరియా అబ్ధుల్లా.
ఎప్పటికైనా డైరెక్షన్ చేయాలన్నది తన కల అని ఫరియా పలుమార్లు బయటపెట్టారు. అన్నీ అనుకున్నట్లు జరిగితే వచ్చే ఏడాది తాను మెగాఫోన్ పడతానని ఫరియా ఇటీవల ఓ ఇంటర్వ్యూలో తెలిపారు. దీనికి సంబంధించి స్క్రిప్ట్ వర్క్లో ఉన్నానని.. త్వరలోనే అన్ని వివరాలు తెలియజేస్తానని అన్నారు.
సోషల్ మీడియాలో యాక్టీవ్గా ఉండే ఫరియా అబ్ధుల్లా సినిమాలు, వ్యక్తిగత వివరాలతో పాటు హాట్ హాట్ ఫోటో షూట్స్తో మతిపొగొట్టేస్తుంది. ఆమె పోస్ట్ చేసే రీల్స్, వీడియోస్ బాగా వైరల్ అవుతున్నాయి. తాజాగా ఆమె చేసిన ఫోటో షూట్ వైరల్ అవుతోంది.
Click it and Unblock the Notifications
Continue with Google