2024 సంక్రాంతి బ‌రిలో స్టార్ హీరోలు..ఎవరెవరంటే..

సంక్రాంతి సీజ‌న్ జ‌న‌వ‌రి 11 నుంచే ప్రారంభం అవుతుంది. ఓ వారం పాటు అంద‌రికీ సెల‌వులు ఉండ‌టంతో అంద‌రూ పండుగ‌ను చేసుకోవ‌టంతో పాటు సినిమాలు చూడ‌టానికి ఆస‌క్తి చూపుతారు. ఆ కాబ‌ట్టి ఈ రేసులో ముందుగా వ‌స్తున్న హీరో ప్ర‌భాస్‌. ఆయ‌న హీరోగా నాగ్ అశ్విన్ ద‌ర్శ‌క‌త్వంలో రూపొందుతోన్న చిత్రం ‘ప్రాజెక్ట్ K’. రూ.500 కోట్ల బడ్జెట్‌తో అశ్వినీద‌త్ నిర్మిస్తోన్న ఈ సినిమాపై భారీ ఎక్స్‌పెక్టేష‌న్స్ ఉన్నాయి. ప్ర‌భాస్‌తో పాటు అమితాబ్‌, దీపికా ప‌దుకొనె వంటి స్టార్స్ న‌టిస్తుండ‌టంతో ఈ ఎక్స్‌పెక్టేష‌న్స్ నెక్ట్స్ లెవ‌ల్‌కు చేరుకున్నాయి. జ‌న‌వ‌రి 12న ఈ సినిమా బ‌రిలోకి దిగ‌నుంది. 

అత‌డు, ఖ‌లేజా చిత్రాలు త‌ర్వాత మ‌హేష్‌, త్రివిక్ర‌మ్ కాంబోలో వ‌స్తున్న చిత్రం గుంటూరు కారం. వీరి కల‌యిక‌లో వ‌చ్చిన రెండు సినిమాలు ఆశించిన స్థాయిలో స‌క్సెస్ కాలేదు. దీంతో త్రివిక్ర‌మ్ త‌న పంథాను మార్చి మహేష్‌ను ప‌క్కా ఊర మాస్ లుక్‌తో ప్రెజంట్ చేస్తున్నారు. రీసెంట్‌గా వ‌చ్చిన గ్లింప్స్‌తో ఈ అంచ‌నాలు పెరిగిపోయాయి. ఈ సినిమా జ‌న‌వ‌రి 13న  రిలీజ్ కానుంది. ఇందులో పూజా హెగ్డే, శ్రీలీల హీరోయిన్స్‌గా న‌టిస్తున్నారు. 

మాస్ మ‌హారాజా ర‌వితేజ వ‌రుస సినిమాల‌తో సంద‌డి చేస్తున్నారు. కంటిన్యూగా సీజ‌న్స్‌నే టార్గెట్ చేస్తూ వ‌స్తోన్న ర‌వితేజ రానున్న సంక్రాంతికి బ‌రిలో దిగ‌టానికి రెడీ అయ్యారు. కార్తీక్ ఘ‌ట్ట‌మ‌నేని ద‌ర్శ‌క‌త్వంలో ఈగ‌ల్ అనే సినిమా చేస్తున్నారు ర‌వితేజ‌. డేట్ ఇంకా ఫిక్స్ కాలేదు కానీ.. సంక్రాంతికి వ‌స్తున్న‌ట్లు మేక‌ర్స్ అనౌన్స్ చేశారు. ఇందులో అనుప‌మ ప‌ర‌మేశ్వ‌ర‌న్ హీరోయిన్‌. 

ఈ ఏడాది వాల్తేరు వీర‌య్య సినిమాతో బ్లాక్ బ‌స్ట‌ర్ హిట్ సాధించిన మెగాస్టార్ చిరంజీవి.. 2024 సంక్రాంతిని కూడా టార్గెట్ చేస్తున్నార‌ని సినీ స‌ర్కిల్స్‌లో టాక్ వినిపిస్తోంది. చిరంజీవి పెద్ద కుమార్తె సుష్మిత నిర్మాత‌గా క‌ళ్యాణ్ కృష్ణ ద‌ర్శ‌క‌త్వంలో మెగాస్టార్ చిరంజీవి ఓ సినిమా చేయ‌బోతున్నారు. దానికి సంబంధించి చ‌ర్చ‌లు జ‌రుగుతున్నాయి. ఇందులో త్రిష హీరోయిన్‌గా న‌టించ‌నుంది. వీరితో పాటు.. సిద్ధు జొన్న‌ల‌గ‌డ్డ‌, శ్రీలీల జోడీ కూడా ఇందులో సంద‌డి చేయ‌బోతున్నారు. 

లైగ‌ర్ డిజాస్ట‌ర్ త‌ర్వాత ఖుషి సినిమాను పూర్తి చేసేసిన విజ‌య్ దేవ‌ర‌కొండ‌.. ఏకంగా రెండు సినిమాల‌ను స్టార్ట్ చేశారు. అందులో ఒక‌టి జెర్సీ ఫేమ్ గౌత‌మ్ తిన్న‌నూరి ద‌ర్శ‌క‌త్వంలో చేస్తుంటే.. మ‌రో సినిమాను ప‌ర‌శురాం ద‌ర్శ‌క‌త్వంలో లాంచ్ చేశారు. వ‌చ్చే నెల నుంచి రెగ్యుల‌ర్ షూటింగ్ స్టార్ట్ కానుంది. ఈ సినిమాను వ‌చ్చే ఏడాది సంక్రాంతికి విడుద‌ల చేయ‌టానికి నిర్మాత దిల్ రాజు ప్లాన్ చేస్తున్నారు. 

ప్రశాంత్ వర్మ డైరెక్టర్ గా తేజ సజ్జ ప్రధాన పాత్రలో హనుమాన్ అనే ఒక సినిమా తెరకెక్కించిన సంగతి తెలిసిందే. పాన్ ఇండియా లెవెల్ లో ఈ సినిమాని రిలీజ్ చేసేందుకు ప్రణాళికలు సిద్ధం చేస్తున్నారు. వాస్తవానికి ఈ సినిమా ఇప్పటికే విడుదల కావాల్సి ఉంది. కానీ వాయిదా పడుతూ వస్తోంది. తాజాగా ఈ సినిమాకి సంబంధించిన కొత్త రిలీజ్ డేట్ ప్రకటించారు. హనుమన్ సంక్రాంతి సందర్భంగా జనవరి 12వ తేదీన విడుదల చేస్తున్నట్టుగా ప్రకటించారు.