2022 ఆగ‌స్ట్ నెలలో రిలీజ్ కానున్న తెలుగు సినిమాలు ఇవే

క‌ల్యాణ్‌రామ్, సంయుక్త మీన‌న్‌, కేథ‌రిన్ తదితరులు నటించిన బింబిసార చిత్రం ఆగ‌స్ట్ 5న రిలీజ్ కానుంది. ఫాంట‌సీ హిస్టారిక‌ల్ డ్రామాగా రూపొందిన బింబిసార చిత్రంతో వ‌శిష్ట్ మ‌ల్లిడి ద‌ర్శ‌కుడిగా టాలీవుడ్‌లోకి అరంగేట్రం చేస్తున్నారు. 

దుల్క‌ర్ స‌ల్మాన్‌, మృణాల్ ఠాకూర్ జంట‌గా పీరియాడిక‌ల్ ల‌వ్‌స్టోరీగా తెర‌కెక్కిన చిత్రం సీతారామం. వార్ బ్యాక్‌డ్రాప్‌కు ప్రేమ‌క‌థ‌ను జోడించి ద‌ర్శ‌కుడు హ‌ను రాఘ‌వ‌పూడి ఈ సినిమాను తెర‌కెక్కించారు.  చిత్రం ఆగ‌స్ట్ 5న రిలీజ్ కానుంది. 

నితిన్ హీరోగా న‌టించిన మాచ‌ర్ల నియోజ‌క‌వ‌ర్గం సినిమా ఆగ‌స్ట్ 12న రిలీజ్ కానుంది. రాజ‌కీయ అంశాల‌తో తెర‌కెక్కిన ఈ సినిమాతో ఎడిట‌ర్ ఎం.ఎస్‌.రాజ‌శేఖ‌ర్‌రెడ్డి ద‌ర్శ‌కుడిగా ప‌రిచ‌యం అవుతున్నారు. కృతిశెట్టి, కేథ‌రిన్ హీరోయిన్లుగా న‌టిస్తున్నారు. 

నితిన్ తో పోటీగా ఆగ‌స్ట్ 12న నిఖిల్ కార్తికేయ -2తో ప్రేక్ష‌కుల ముందుకు రాబోతున్నారు. ఈ సీక్వెల్‌కు చందు మొండేటి ద‌ర్శ‌క‌త్వం వ‌హిస్తున్నారు. అనుప‌మ‌ప‌ర‌మేశ్వ‌ర‌న్ హీరోయిన్‌గా నటిస్తున్నారు. 

ఆదిసాయికుమార్, పాయ‌ల్ రాజ్‌పుత్ హీరోహీరోయిన్లుగా న‌టించిన తీస్‌మార్‌ఖాన్ సినిమా ఆగ‌స్ట్ 19న రిలీజ్ కానుంది. క‌ళ్యాణ్ జి గోగన ద‌ర్శ‌క‌త్వం వ‌హిస్తున్న ఈ సినిమాలో సునీల్ కీల‌క పాత్ర పోషిస్తున్నారు.

తేజ‌స్వి మ‌దివాడ‌, అన్వేషిజైన్ ప్ర‌ధాన పాత్ర‌లు పోషించిన క‌మిట్‌మెంట్ సినిమా ఆగ‌స్ట్ 19న ప్రేక్ష‌క‌లు ముందుకు రానుంది.

విజ‌య్ దేవ‌ర‌కొండ హీరోగా, అన‌న్యా పాండే హీరోయిన్‌గా పూరి దర్శకత్వంలో వస్తోన్న లైగర్ సినిమాపై దేశ‌వ్యాప్తంగా భారీ అంచ‌నాలు నెల‌కొన్నాయి.  తెలుగుతో పాటు త‌మిళం, మ‌ల‌యాళం, కన్న‌డ‌, హిందీ భాష‌ల్లో ఆగ‌స్ట్ 25న ఈ సినిమా రిలీజ్ కానుంది.

అనుదీప్ ద‌ర్శ‌క‌త్వంలో శివ‌కార్తికేయ‌న్ హీరోగా న‌టిస్తున్న ద్విభాషా చిత్రం ప్రిన్స్‌. ఈ చిత్రం ఆగ‌స్ట్ 31న రిలీజ్ కానుంది.