క్రేజీ ఫెలో

క్రేజీ ఫెలో మూవీ రొమాంటిక్, కామెడీ ఎంటర్టైనర్ చిత్రం ఇందులో  ఆది సాయి కుమార్, దిగంగన  సూర్యవంశీ, మర్నా మీనన్, సప్తగిరి తదితరులు నటించారు. ఈ సినిమాకి దర్శకత్వం ఫణి కృష్ణ అందించారు. శ్రీ సత్యసాయి ఆర్ట్స్ పతాకంపై ప్రముఖ నిర్మాత కేకే రాధామోహన్ నిర్మించారు. ఈ సినిమాకు ధృవన్ సంగీతం అందించారు.  కథ జీవితానికి ఓ లక్ష్యం, బాధ్యత లేకుండా సరదాగా లైఫ్‌ను కొనసాగించే యువకుడు అభిరామ్ (ఆది సాయికుమార్). తన వదిన బలవంతం మీద అన్నయ్య స్నేహితుడు (సప్తగిరి) కంపెనీలో ఉద్యోగానికి చేరుతాడు. తను చేరిన ఆఫీసులో పనిచేసే మధుమిత అలియాస్ చిన్ని (దిగంగన సూర్యవంశీ)తో పరిచయం ఏర్పడుతుంది. కానీ వారి మధ్య రిలేషన్ ఉప్పు, నిప్పులా ఉంటుంది. అయితే స్నేహితుడు రమేష్ (నర్రా శ్రీనివాస్) బలవంతం మేరకు డేటింగ్ యాప్‌లో చిన్నితో రిలేషన్‌షిప్ కొనసాగిస్తుంటాడు. అయితే డేటింగ్ చాలా రోజులు కొనసాగిన తర్వాత ఒకరోజు చిన్ని (దిగంగన)ను కలుసుకొనేందుకు వెళ్లి అదే పేరుతో అక్కడికి వచ్చిన చిన్ని (మిర్నా మీనన్)కు ఐ లవ్ యూ చెబుతాడు. డేటింగ్ యాప్‌లో నాని పేరుతో అభిరామ్ ఎందుకు చిన్నితో ఎందుకు డేటింగ్ చేశాడు? మధుమితే చిన్ని అని తెలియకుండా చేసిన డేటింగ్ ఎలాంటి సమస్యలు తీసుకొచ్చింది? చిన్ని పేరుతో హోటల్‌లో ఎదురుపడిన యువతికి ఐ లవ్ యూ చెబితే అభిరామ్‌కు ఎలాంటి ఇబ్బందులను ఎదుర్కొన్నాడు? ఇద్దరు చిన్నిలతో ప్రేమ వ్యవహారం ఎలాంటి సమస్యలు సృష్టించింది? ఇంతకు ఏ చిన్ని ప్రేమను అభిరామ్ అంగీకరించాడు అనే ప్రశ్నలకు సమాధానమే క్రేజీ ఫెలో సినిమా కథ.