హ్యాపీ బర్త్ డే

హ్యాపీ బర్త్ డే మూవీ కామెడీ ఎంటర్టైనర్ చిత్రం ఇందులో లావణ్య త్రిపాఠి, నరేష్ అగస్త్య,  వెన్నెల కిషోర్, సత్య అక్కల, గుండు సుదర్శన్ తదితరులు నటించారు. ఈ సినిమాకి దర్శకత్వం రితేష్ రానా వహించారు. నిర్మాతలు చిరంజీవి, హేమలత పెదమల్లు కలిసి నిర్మించారు. సంగీతం కాల భైరవ అందించారు   కథ కేంద్ర మంత్రి రిత్విక్ సోది (వెన్నెల కిషోర్) పార్లమెంట్‌లో గన్ బిల్లు ప్రవేశపెడుతాడు. ఆత్మ రక్షణకు ప్రతీ ఇంటిలో ఓ తుపాకి ఉండాలనే విధానాన్ని దేశంలో అమలు పరుస్తాడు. ఈ క్రమంలో కేంద్ర మంత్రి సోదికి సంబంధించిన అవినీతి, అక్రమాలకు సంబంధించిన పెన్ డ్రైవ్‌ పసుపులేటి హ్యాపీ త్రిపాఠి (లావణ్య త్రిపాఠి) హ్యాండ్ బ్యాగ్‌లోకి చేరుతుంది. కేంద్ర మంత్రి అవినీతి భాగోతానికి సంబంధించిన సిగరెట్ లైటర్ రూపంలోని పెన్ డ్రైవ్ హ్యాపీ త్రిపాఠి బ్యాగులో ఎలా చేరింది? పెన్ డ్రైవ్ కోసం గుండా (రాహుల్ రామకృష్ణ) ఎందుకు ప్రయత్నించాడు? నగరంలోని ప్రముఖ హోటల్‌లోని హౌస్ కీపింగ్ బాయ్ లక్కీ (నరేష్ అగస్త్య)కు గుండాకు సంబంధం ఏమిటి? గుండా బెదిరింపులకు భయపడి లక్కీ పెన్ డ్రైవ్ కోసం ఎందుకు ప్రయత్నించాడు? ఈ కథలో మ్యాక్స్ పెయిన్ (కమెడియన్ సత్య) రోల్ ఏమిటి? సెరెనీ విలియమ్ (రాకెట్ రాఘవ) పాత్ర ఈ కథకు ఎలా ముడిపడి ఉంది అనే ప్రశ్నలకు సమాధానమే హ్యాపీ బర్త్ డే సినిమా కథ.