ఇట్లు మారేడుమిల్లి ప్రజానీకం

ఇట్లు మారేడుమిల్లి ప్రజానీకం మూవీ యాక్షన్, డ్రామా ఎంటర్టైనర్ చిత్రం ఇందులో అల్లరి నరేష్, ఆనంది తదితరులు నటిస్తున్నారు. ఈ సినిమాకి ఏఆర్‌ రాజమోహన్‌ దర్శకత్వం వహిస్తున్నారు. జీ స్టూడియోస్‌, హర్ష మూవీస్‌ ఈ చిత్రాన్ని సంయుక్తంగా నిర్మిస్తున్నాయి.  కథ తెలుగు టీచర్‌గా పనిచేసే శ్రీనివాస్ శ్రీపాద (అల్లరి నరేష్) రంపచోడవరం నియోజకవర్గానికి జరిగే అసెంబ్లీ ఎన్నిక కోసం మారేడుమిల్లి ప్రాంతానికి ఎన్నికల అధికారిగా వెళ్తారు. అయితే అక్కడి ప్రజలు ఎన్నికలను బహిష్కరించుకోవాలని నిర్ణయించుకొంటారు. ప్రపంచానికి అంటి ముట్టనట్టు ఉండే గిరిజన ప్రాంతంలోని కష్టాలు ప్రత్యక్ష్యంగా చూస్తాడు. అయితే ఓటు హక్కు వినియోగించుకొంటే.. రవాణ, ఆరోగ్యం, విద్య సదుపాయాలు సమకూరుతాయని మారేడుమిల్లి గ్రామస్థులకు శ్రీనివాస్ నచ్చజెప్పే ప్రయత్నం చేస్తాడు. ఈ క్రమంలో శ్రీనివాస్, ఇంగ్లీష్ టీచర్ (అల్లరి నరేష్), ప్రభుత్వ అధికారి (ప్రవీణ్) కిడ్నాప్ అవుతారు. ఓటు హక్కు వినియోగించుకోవాలని శ్రీనివాస్ శ్రీపాద చేసిన రిక్వెస్ట్‌కు మారేడుమిల్లి ప్రజలు సానుకూలంగా స్పందించారా? శ్రీనివాస్ సలహాతో ఓటు హక్కు వినియోగించుకొన్నారా? శ్రీనివాస్‌తోపాటు ఇతర సిబ్బందిని ఎవరు కిడ్నాప్ చేశారు? కిడ్నాప్‌కు గురైన ప్రభుత్వ ఉద్యోగులను విడిపించడానికి కలెక్టర్ అర్జున్ త్రివేది (సంపత్ రాజ్) చేసిన ప్రయత్నాలు ఏమిటి? ప్రజలకు వ్యతిరేకంగా వ్యవహరించిన కలెక్టర్‌ త్రివేది ఎలాంటి గుణపాఠం నేర్చుకొన్నారు. చివరకు ప్రజల డిమాండ్లకు ప్రభుత్వం తలొగ్గిందా అనే ప్రశ్నలకు సమాధానమే ఇట్లు మారేడుమిల్లి ప్రజానీకం సినిమా కథ.