నేను మీకు బాగా కావాల్సినవాడిని

నేను మీకు బాగా కావాల్సినవాడిని యాక్షన్, రొమాంటిక్ ఎంటర్టైనర్ చిత్రం ఇందులో కిరణ్ అబ్బవరం, సంజన ఆనంద్, సోను ఠాకూర్, బాబా భాస్కర్, గెట్ అప్ శ్రీను, దేవి ప్రసాద్, ప్రగత్య, సమీర్ తదితరులు నటించారు. ఈ సినిమాకి దర్శకత్వం శ్రీధర్ గాదె వహించారు. కోడి దివ్య దీప్తి నిర్మించారు. సంగీతం మణి  శర్మ అందించారు.  కథ వివేక్ (కిరణ్ అబ్బవరం) ఓ క్యాబ్ డ్రైవర్. తేజూ (సంజనా ఆనంద్) ఓ సాప్ట్ వేర్ ఎంప్లాయ్. ప్రతి రోజూ రాత్రి ఫుల్లుగా తాగిన ఆమెను ఆరు నెలలుగా ఇంటి దగ్గర డ్రాప్ చేస్తుంటాడు. అలా తాగడానికి కారణం ఏమిటి అని వివేక్ అడిగితే తన కథ చెబుతుంది. తనది ఓ హ్యాపీ ఫ్యామిలీ. ఇంట్లో వాళ్లంతా ఆమెను చాలా ప్రేమగా చూసుకుంటారు. కానీ తనను ప్రేమించిన వాడి కోసం పెద్దలు కుదిర్చిన పెళ్లి వద్దనుకుని వెళ్ళిపోతుంది. కానీ అతను మోసం చేస్తాడు. ప్రేమలో వైఫల్యం చెంది కుటుంబానికి దూరమైన తేజూ పరిస్థితి ఏంది? తాగుడుకు బానిసైన తేజూకు ఎలాంటి అనుభవాలు ఎదురయ్యాయి. లాయర్ దుర్గ (సోనూ థాకూర్)తో వివేక్ కూడా ప్రేమ కథ ఏమైంది. వివేక్ లవ్ స్టోరీకి ఎలాంటి ముగింపు లభించింది. ఈ ఇద్దరి కథలు ఎలాంటి మలుపు తిరిగాయి? ఒకరి కథలు తెలుసుకుని మరొకరు ఏం చేశారు అనే ప్రశ్నలకు సమాధానమే నేను మీకు బాగా కావాల్సినవాడిని సినిమా కథ.