ప్లే బ్యాక్

ప్లే బ్యాక్ సినిమా థిల్లర్ ఎంటర్టైనర్ చిత్రం ఇందులో దినేష్ తేజ్, అనన్య నాగళ్ల, అర్జున్ కళ్యాణ్, స్పందన, కార్తికేయ కృష్ణ మల్లాది, టి ఎన్ ఆర్, తాగుబోతు రమేష్, గౌతమ్ రాజు, తదితరులు నటించారు. ఈ సినిమాకి దర్శకతం హరి ప్రసాద్ జక్కా వహించారు. ప్రసాద్ రావు పెద్దినేని నిర్మించారు. సంగీతం కమ్రాన్ అందించారు.  కథ.. కార్తి (దినేష్ తేజ) అనే యువకుడికి జర్నలిస్ట్ కావాలనే కోరిక ఉంటుంది. మీడియా సంస్థలో ఉద్యోగానికి చేరుతాడు. అనుకోని కారణాల వల్ల ఓ పాత ఇంటికి మారిపోతాడు కార్తి. టెక్నాలజీ పరుగులు పెడుతున్న సమయంలో పాత ఇంట్లో పురాతన ల్యాండ్ లైన్ ఫోన్ ఉంటుంది. ఆ ల్యాండ్ లైన్‌తో అసలు కథ మొదలవుతుంది. ఆ ల్యాండ్ లైన్‌కు సుజాత (అనన్య నాగళ్ల) అనే అమ్మాయి ఫోన్ చేస్తుంటుంది. ల్యాండ్ లైన్ కనెక్షన్ లేకపోయినా ఫోన్ రావడం ఏంటి? అసలు సుజాత చెప్పే వాటికి జరుగుతున్న వాటికి పొంతన ఎందుకు ఉండదు? 1993లో ఉన్న సుజాత.. వర్తమానంలో ఉన్న కార్తికి ఎలా కలిసింది? ఈ ఇద్దరి మధ్య ఉన్న సంబంధం ఏంటి? గతంలో సుజాతకు ఏర్పడిన ప్రమాదాన్ని, వర్తమానంలో ఉన్న హీరో ఎలా పరిష్కరించగలిగాడు వంటి ఎన్నో ఆసక్తికరమైన ప్రశ్నలకు సమాధానమే ప్లే బ్యాక్.