బ్లూ డ్రెస్‌లో నభా నటేష్ అందాల విందు... ఆ చూపుల్లో చిక్కారో అంతే!

కన్నడ నటి నభా నటేష్ ఒకప్పుడు హీరోయిన్‌గా మంచి జోరు చూపించారు. కానీ ఏం జరిగిందో ఏమో కానీ ఒక్కాసారిగా తెరకు దూరమయ్యారు. ఆ తర్వాత వరుస ఫోటో షూట్‌లతో ఉనికిని చాటుకుంటూ ఇండస్ట్రీలో అవకాశాల కోసం తీవ్రంగా ప్రయత్నిస్తున్నారు.

తన తొలి సినిమాకే కరునాడ చక్రవర్తి శివరాజ్ కుమార్ సరసన హీరోయిన్‌గా నటించే అవకాశం దక్కించుకున్నారు నభా నటేష్. అదే వజ్రకాయ. ఈ చిత్రం బ్లాక్‌బస్టర్ నిలవడంతో పాటు కలెక్షన్ల వర్షం కురిపించింది. దాంతో నభా నటేష్‌కు వరుసపెట్టి అవకాశాలు క్యూకట్టాయి. 

పూరి జగన్నాథ్ దర్శకత్వంలో రామ్ పోతినేని హీరోగా వచ్చిన ఇస్మార్ట్ శంకర్ సినిమాతో నభా నటేష్‌కు తెలుగులో తొలి  బ్రేక్ లభించింది. అయితే అంతకంటే ముందే నన్ను దోచుకుందువటే సినిమాలో తెలుగువారిని పలకరించినా ఈ ముద్దుగుమ్మకు చెప్పుకోదగ్గ గుర్తింపు లభించలేదు. 

ఇస్మార్ట్ శంకర్ తర్వాత డిస్కో రాజా, సోలో బతుకే సో బెటర్, అల్లుడు అదుర్స్, మ్యాస్ట్రో, డార్లింగ్ సినిమాలలో నటించారు నభా నటేష్. హీరోయిన్‌గా నిలదొక్కుకుంటున్న దశలో అనుకోకుండా జరిగిన ప్రమాదంలో తీవ్రంగా గాయపడ్డారు. దాంతో కొన్నాళ్లు ఇంటికే పరిమితమయ్యారు. ఈ ప్రమాదం నభా నటేష్ జీవితాన్ని తలకిందులు చేసింది. 

ప్రస్తుతం తెలుగులో నిఖిల్ హీరోగా వస్తోన్న స్వయంభూలో నటిస్తున్నారు నభా నటేష్. ఠాగూర్ మధు సమర్పణలో పిక్సెల్ స్టూడియోస్ బ్యానర్‌పై భువన్, శ్రీకర్‌లు ఈ చిత్రాన్ని నిర్మిస్తుండగా భరత్ కృష్ణమాచారి దర్శకత్వం వహిస్తున్నారు. స్వయంభూలో సుందరవల్లిగా నభా నటిస్తున్నారు. దీనికి సంబంధించిన పోస్టర్‌ను ఇటీవల మేకర్స్ విడుదల చేశారు. అలాగే నాగబంధం అనే సినిమాలో పార్వతిగానూ నభా నటిస్తున్నారు. ఈ రెండు సినిమాలపై ఆమె ఎన్నో ఆశలు పెట్టుకున్నారు.