ఘనంగా మెహర్ రమేశ్ కుమార్తె వివాహం.. హాజరైన చిరంజీవి, పవన్, వెంకటేష్

టాలీవుడ్ దర్శకుడు మెహర్ రమేశ్ కుమార్తె మోహన వివాహం- అనిరుధ్‌తో జూలై 1వ తేదీన హైదరాబాద్‌లో ఘనంగా జరిగింది. మాజీ ఐఏఎస్ అధికారి, ప్రముఖ నేత తోట చంద్రశేఖర్ కుమారుడే అనిరుధ్. ఇటీవలే మోహన- అనిరుధ్‌ల నిశ్చితార్థం ఐటీసీ కోహినూర్‌లో ఘనంగా జరగ్గా.. తాజాగా పెళ్లి జరిగింది.

ఈ వివాహ వేడుకకు తెలుగు రాష్ట్రాలకు చెందిన సినీ, రాజకీయ తదితర రంగాలకు చెందిన ప్రముఖులు హాజరయ్యారు. మెగాస్టార్ చిరంజీవి- సురేఖ దంపతులు, ఏపీ డిప్యూటీ సీఎం పవన్ కళ్యాణ్ ఆయన సతీమణి అన్నా లెజ్‌నోవా దంపతులు ఈ వివాహానికి హాజరై కొత్త జంటను ఆశీర్వదించారు.

నిర్మాత అల్లు అరవింద్, విక్టరీ వెంకటేష్, ఏపీ డిప్యూటీ స్పీకర్‌ రఘరామకృష్ణంరాజు, ఏపీ మంత్రి నాదెండ్ల మనోహర్, వైసీపీ నేత అంబటి రాంబాబు, అశ్వినీదత్, ఏఎం రత్నం, బన్నీవాసు, మురళీ మోహన్,  ప్రభుదేవా, యాంకర్ సుమ కనకాల  తదితరులు హాజరయ్యారు.