టాలీవుడ్ బిజీ బిజీగా రితికా నాయక్.. క్రేజీ ప్రాజెక్ట్స్ లో మిరాయ్ బ్యూటీ

యంగ్ అండ్ బ్యూటీపుల్ హీరోయిన్ రితికా నాయక్ తెలుగు ప్రేక్షకుల్లో ఇప్పుడిప్పుడే మంచి గుర్తింపును తెచ్చుకుంటుంది. తన క్రేజ్ ను మరింతగా పెంచుకునేందుకు ప్రయత్నిస్తోంది. ఈ సందర్భంగా ఇంట్రెస్టింగ్ ప్రాజెక్ట్స్ ల్లో నటించే అవకాశం దక్కించుకుంటోంది. 

27 ఏళ్ల ఈ ముద్దుగుమ్మ నార్త్ లో పుట్టి పెరిగింది. ఢిల్లీలో 1997 అక్టోబర్ 27న జన్మించింది. ఒడియా ఫ్యామిలీకి చెందిన ఆమె ఢిల్లీలోనే విద్యాభ్యాసాన్ని పూర్తి చేసుకుంది. విమెన్ శ్యామ ప్రసాద్ ముఖర్జీ కాలేజీలో డిగ్రీ పూర్తి చేసుకుంది. 

ఇక 2019 నుంచి సినీ రంగంలో అడుగు పెట్టేందుకు ప్రయత్నాలు ప్రారంభించింది. తొలుత మోడల్ గా 12వ సీజన్ టైమ్స్ ఫ్రెష్ ఫేస్ 2019లో టైటిల్ ను దక్కించుకుంది. ఆ తర్వాత సినిమాల్లో అవకాశాల కోసం మల్టిపుల్ ఆడిషన్స్ ఇచ్చింది. 

2022లో విశ్వక్ సేన్ నటించిన అశోకవనంలో అర్జున కళ్యాణం అనే చిత్రంలో సెకండ్ హీరోయిన్ గా ఛాన్స్ దక్కించుకుంది. తన పెర్ఫామెన్స్ తో తెలుగు ప్రేక్షకులను ఆకట్టుకుంది. ఆ తర్వాత నుంచి వరుసగా సినిమాలు చేస్తూ వస్తోంది. 

ప్రస్తుతం మిరాయ్ చిత్రంతో సెప్టెంబర్ 12న ప్రేక్షకులను అలరించబోతోంది. ఆ తర్వాత  ఆనంద్ దేవరకొండ సరసన డ్యూయెట్, మెగా ప్రిన్స్ వరుణ్ తేజ్ సరసన కూడా VT15లో నటిస్తూ బిజీ బిజీగా ఉంది. మరోవైపు బ్యూటీఫుల్ ఫొటోలను పంచుకుంటూ ప్రేక్షకులను ఆకట్టుకుంటోంది.