లంగా ఓణీలో ఛాంపియన్ బ్యూటీ... పదహారణాల తెలుగు అమ్మాయిలా అనస్వర రాజన్

రజాకార్లు, నిజాం పాలన, తెలంగాణ సాయుధ పోరాటం బ్యాక్‌డ్రాప్‌లో తెరకెక్కిన ఛాంపియన్ మూవీతో తెలుగువారిని పలకరించారు కేరళ కుట్టి అనస్వర రాజన్. తొలి సినిమాతోనే మంచి గుర్తింపు తెచ్చుకున్న ఈ ముద్దుగుమ్మ మంచి టాలెంటెడ్ అని నిరూపించుకుంది.

పాతికేళ్లు కూడా లేని ఈ ముద్దుగుమ్మ మలయాళ చిత్ర పరిశ్రమలో స్టార్ హీరోయిన్ అనిపించుకుంది. అందం, నటనలో తనకు తిరుగే లేదని సత్తా చాటింది. కేరళలోని కరివెల్లూరులో పుట్టి పెరిగిన అనస్వరది మామూలు మధ్య తరగతి నేపథ్యం. తల్లిదండ్రులకు ఎలాంటి సినిమా బ్యాక్‌గ్రౌండ్ లేదు.

15 ఏళ్ల వయసులోనే ఉదాహరణం సుజాత అనే సినిమాతో చిత్ర పరిశ్రమలో ఎంట్రీ ఇచ్చిన అనస్వర రాజన్.. ఆ తర్వాత 2019లో తన్నీర్ మథన్ దినంగళ్ మూవీలో మంచి గుర్తింపు తెచ్చుకుంది. ఆ ఏడాది రిలీజై సంచలన విజయం సాధించిన అధ్యరాత్రిలో తల్లి, కూతురిగా నటించి సినీ ప్రముఖులను ఆశ్చర్యానికి గురిచేసింది.

కేవలం 17 ఏళ్ల వయసులోనే తల్లిగా నటించడం నటన పట్ల ఆమె అంకిత భావానికి, సాహసానికి నిదర్శనం. ఈ సినిమా తర్వాత ఆమెకు విభిన్నమైన పాత్రలు వెతుక్కుంటూ వచ్చాయి. గ్లామర్ రోల్స్‌కు దూరంగా నటనా ప్రాధాన్యమున్న పాత్రల్లో నటిస్తున్నారు అనస్వర రాజన్.

ఛాంపియన్‌లో చంద్రకళగా తెలుగువారిని పలకరించిన అనస్వర రాజన్.. పల్లెటూరి అమ్మాయిగా అందంగా కనిపిస్తూనే, పోరాట సన్నివేశాలలోనూ అద్భుతంగా నటించింది. తెలుగులో ఇట్లు అర్జున అనే  మరో చిత్రంలోనూ అనస్వర నటిస్తున్నారు. ప్రస్తుతం ఈ సినిమా పోస్ట్ ప్రొడక్షన్ దశలో ఉంది.