అచ్చ తెలుగు అమ్మాయి ఈషా రెబ్బా వరుస సినిమాలు, వెబ్ సిరీస్లతో హల్చల్ చేస్తున్నారు. ఇండస్ట్రీలోకి వచ్చి దాదాపు పదేళ్లు కావొస్తున్నా ఈ ముద్దుగుమ్మకు చెప్పుకోదగ్గ స్థాయిలో భారీ అవకాశాలు రాలేదు. అయినప్పటికీ తన ప్రయత్నాలు కొనసాగిస్తూనే ఉన్నారు.
నటన, అందం పరంగా తిరుగులేదని నిరూపించుకున్నప్పటికీ ఈషా రెబ్బాకు హీరోయిన్గా ఓ రేంజ్లో అవకాశాలు దక్కలేదు. స్టార్ హీరోల సినిమాలలో ఛాన్స్ దొరుకుతుందని ఎదురుచూసినప్పటికీ అది అందని ద్రాక్షే అయ్యింది. ఒకటి రెండు స్టార్ హీరోల సినిమాలలో సెకండ్ లీడ్గా నటించి దానితోనే సంతృప్తి పడింది.
త్రివిక్రమ్ దర్శకత్వంలో జూనియర్ ఎన్టీఆర్ నటించిన అరవింద సమేతలో ఈషాకు అవకాశం దక్కింది. అయితే అది సెకండ్ లీడ్ అయినప్పటికీ ఆమె అంగీకరించారు. తన పాత్రకు కీలకమైన స్కోప్ ఉందని, కానీ ఆ సీన్లను ఎడిటింగ్లో తీసేయడంతో చాలా బాధపడినట్లు ఈషా పలుమార్లు తెలిపారు.
ఇటీవల ఈషా రెబ్బా, కుషిత కల్లపు, రాశీ సింగ్, సత్య, హర్ష చెముడు, సూర్య శ్రీనివాస్ , సత్యం రాజేశ్ తదితరులు నటించిన వెబ్ సిరీస్ త్రీ రోజెస్ - 2 ఆహా ఓటీటీలో స్ట్రీమింగ్ కు వచ్చి ప్రేక్షకుల్ని ఆకట్టుకుంటోంది. ఇందులో ఈషా నటనకు విమర్శకుల ప్రశంసలు దక్కుతున్నాయి.
ముగ్గురు అమ్మాయిల జీవితం, లవ్, కెరీర్, పర్సనల్ స్పేస్ను ఈషా, కుషిత, రాశీ సింగ్లు అద్భుతంగా ఆవిష్కరించారు. డైరెక్టర్ మారుతి ఈ వెబ్ సిరీస్కు క్రియేటివ్ హెడ్గా వ్యవహరించారు. కిరణ్ కే కరవల్ల దర్శకత్వం వహించారు. కుర్రకారు నుంచి ఈ వెబ్ సిరీస్కు మంచి ఆదరణ లభిస్తోంది.
Click it and Unblock the Notifications
Continue with Google