హర్యానాలోని పంచకులలో జన్మించిన మీనాక్షి చౌదరిది మిలటరీ కుటుంబం. ఆమె తండ్రి దివంగత బీఆర్ చౌదరి భారత సైన్యంలో కల్నల్ హోదాలో పనిచేశారు. చండీగఢ్లో ప్రాథమిక విద్యాభ్యాసం పూర్తి చేసిన మీనాక్షి మంచి క్రీడాకారిణి కూడా.
స్టేట్ లెవల్ స్విమ్మర్, బ్యాడ్మింటన్ ప్లేయర్గా ఆమె రాణించారు. డేరా బస్సీలోని నేషనల్ డెంటల్ కాలేజ్ అండ్ హాస్పిటల్లో బీడీఎస్ పూర్తి చేశారు మీనాక్షి చౌదరి. 2017లో మిస్ ఐఎంఏ పోటీల్లో పాల్గొన్నారు.
మోడల్గా అనేక ఫేమస్ బ్రాండ్స్కు అంబాసిడర్గా పనిచేసిన మీనాక్షి చౌదరికి అప్స్టార్ట్స్ అనే హిందీ సినిమాలో తొలిసారిగా ఎంట్రీ ఇచ్చారు. అనంతరం ఇచ్చట వాహనములు నిలపరాదు అనే సినిమాతో తెలుగువారిని పలకరించారు.
ఆ వెంటనే ఖిలాడీ, హిట్ 2, కొలై, గుంటూరు కారంలో నటించారు. ఖిలాడీలో రొమాంటిక్ సీన్స్లో నటించినా ఆమెకు హిట్ దక్కలేదు. కానీ పాపులారిటీ మాత్రం సొంతం చేసుకుంది. సక్సెస్ కోసం కళ్లు కాయలు కాచేలా ఎదురుచూస్తున్న మీనాక్షికి లక్కీ భాస్కర్ రూపంలో ఘన విజయం దక్కింది.
త్వరలో ఆమె నటించిన వరుణ్ తేజ్ మట్కా, విశ్వక్సేన్ మెకానిక్ రాకీలపైనే భారీ అంచనాలున్నాయి. మెగాస్టార్ చిరంజీవి నటించిన విశ్వంభరలోనూ మీనాక్షి కీలకపాత్ర పోషిస్తున్నారు. వీటిలో ఏ ఒక్కటి హిట్ అయినా ఆమె స్టార్ హీరోయిన్ దిశగా అడుగులు వేయడం ఖాయం.
Click it and Unblock the Notifications
Continue with Google