అత్తారింటికి దారేదిలో బాపుగారి బొమ్మగా పవర్స్టార్ పవన్ కళ్యాణ్తో ఆడిపాడిన ప్రణీత సుభాష్కు ఆ తర్వాత టైం కలిసిరాలేదు. ఎన్నో ఆశలతో తెలుగు ఇండస్ట్రీలో అడుగుపెట్టిన ఈ ముద్దుగుమ్మ ఒకటి అరా సినిమాలు చేసి ఇక వర్కవుట్ కాదని గ్రహించి పెళ్లి చేసుకుని సెటిలైపోయింది.
కర్ణాటకకు చెందిన ప్రణీత సుభాష్.. కన్నడ ఇండస్ట్రీలో తొలుత అదృష్టం పరీక్షించుకుంది. ఆ తర్వాత తెలుగు ఇండస్ట్రీ నుంచి కబురు రావడంతో ఇక్కడ వాలిపోయింది. పవన్ కళ్యాణ్తో అత్తారింటికి దారేది, మహేశ్ బాబుతో బ్రహ్మోత్సవం, ఎన్టీఆర్తో రభస వంటి సినిమాలు చేసింది.
స్టార్ హీరోల పక్కన నటించినప్పటికీ అవన్నీ సెకండ్ లీడ్ కావడంతో ప్రణీతకు ఆ తర్వాత అవకాశాలు అంతంత మాత్రంగానే దక్కాయి. పరిస్ధితులు ఏమాత్రం సహకరించకపోవడంతో తమిళ్, హిందీతో పాటు తన మాతృభాష కన్నడంలో కొన్ని సినిమాలు చేసింది. అయినప్పటికీ ప్రణీతకు కాలం కలిసిరాలేదు.
అవకాశాలు తగ్గుతున్న దశలో బెంగళూరుకు చెందిన వ్యాపారవేత్తను కరోనా లాక్డౌన్ సమయంలో పెళ్లాడింది. ఈ దంపతులకు ఓ బాబు, పాప సంతానం. ప్రస్తుతం భర్త, పిల్లలు, కుటుంబంతో గడుపుతూ వైవాహిక జీవితాన్ని ఎంజాయ్ చేస్తున్నారు ప్రణీత సుభాష్. అయితే మంచి ప్రాజెక్ట్ అందుకుని సెకండ్ ఇన్నింగ్స్ స్టార్ట్ చేయాలని ప్రణీత గట్టి పట్టుదలతో ఉంది.
సోషల్ మీడియాలో యాక్టీవ్గా ఉండే ప్రణీత సుభాష్.. తన సినిమాలు, షూటింగ్స్, ఇతర వ్యక్తిగత విషయాలపై స్పందిస్తూ ఉంటారు. అలాగే హాట్ హాట్ ఫోటోషూట్లతో కుర్రకారును రెచ్చగొడుతుంటారు. ఇద్దరు పిల్లలకు తల్లి అయినా, 40కి దగ్గరవుతున్నా ప్రణీత అందాలు ఏమాత్రం తగ్గలేదు.
Click it and Unblock the Notifications
Continue with Google