టాలీవుడ్లోనే కాదు చలనచిత్ర పరిశ్రమలో సమంత గురించి ప్రత్యేకంగా పరిచయం అవసరం లేదు. అందం..అభినయంతో కుర్రోళ్ల హృదయాల్ని కొల్లగొట్టిన సమంత నటనా ప్రస్థానాన్ని ‘ఏం మాయ చేసావే’ సినిమాతో ప్రారంభించింది. తొలి చిత్రంతోనే ఆమె గ్లామర్, నటన, చురుకుదనం ప్రేక్షకులను ఆకట్టుకున్నాయి. ఆ సినిమా సక్సెస్ కావడంతో ఆమె పేరు ఒక్కసారిగా టాలీవుడ్లో స్టార్ హీరోయిన్ల సరసన చేరిపోయింది.
మొదటి సినిమా బ్లాక్ బస్టర్ కావడంతో సమంత కు వరుసగా మహేష్ బాబు, అల్లు అర్జున్, రామ్ చరణ్, ఎన్టీఆర్, నాగార్జున వంటి అగ్రహీరోలతో నటించే అవకాశం కొట్టేసింది. ఇక దూకుడు, అత్తారింటికి దారేది, ఈగ, మజిలీ వంటి సినిమాలు ఆమె కెరీర్లో మైలురాళ్లుగా నిలిచాయి.
సమంత తన కెరీర్ టాప్లో ఉండగానే అక్కినేని నాగ చైతన్యను ప్రేమించి పెళ్లి చేసుకుంది. కానీ ఈ జంట బంధం జీవితం మూడు సంవత్సరాల్లో ముగిసిపోయింది. వీరి విడాకులు అభిమానులకు, సినీ వర్గాలకు పెద్ద షాక్ ఇచ్చాయి. ఈ దశలో సమంత వ్యక్తిగతంగా తీవ్ర మానసిక ఒత్తిడిని ఎదుర్కొంది.
విడాకుల అనంతరం సమంతకు మయోసిటిస్ అనే అరుదైన వ్యాధి సోకింది. ఈ కారణంగా ఆమె దాదాపు ఏడాది పాటు సినిమాల నుంచి విరామం తీసుకుంది. కానీ తన ఆరోగ్యాన్ని తిరిగి సాధించి మళ్లీ కెరీర్పై ఫోకస్ పెట్టిన తీరు ఆమె ఫైటింగ్ స్పిరిట్కి నిదర్శనం.
ఆరోగ్య సమస్యల తర్వాత సమంత వెబ్ ప్రపంచంలో అడుగు పెట్టింది. సిటాడెల్ : హానీ బన్ని, రక్త్ బ్రహ్మాండ్ వంటి వెబ్ సిరీస్లలో నటిస్తూ తన వైవిధ్యాన్ని మరోసారి చూపించింది. ఈ ప్రాజెక్ట్ల ద్వారా పాన్ ఇండియా స్థాయిలో మరోసారి ఫ్యాన్ బేస్ను పెంచుకుంటోంది.
ఇప్పుడు సమంత మా ఇంటి బంగారం సినిమాలో ప్రధాన పాత్రలో కనిపించనుంది. ఇది ఆమెకు మళ్లీ టాలీవుడ్ రీ ఎంట్రీ అవుతుంది. అభిమానులు ఈ సినిమాపై భారీ అంచనాలు పెట్టుకున్నారు. ఏ మాయ చేసావేతో మాయ చేసిన సమంత, ఇప్పుడు “మా ఇంటి బంగారం”గా మరలా మాయ చేయబోతోందన్న ఆసక్తి చుట్టుముట్టింది.
Click it and Unblock the Notifications
