Vijay-Rashmika: విజయ్ దేవరకొండ కౌగిలిలో రష్మిక.. విరోష్ సంగీత్ ఫోటోలు వైరల్..

టాలీవుడ్ సెన్సేషనల్ కపుల్ విజయ్ దేవరకొండ, రష్మిక మందన్న తమ సంగీత్ వేడుకకు సంబంధించిన అందమైన ఫోటోలను సోషల్ మీడియాలో షేర్ చేయగా అవి క్షణాల్లో వైరల్ అయ్యాయి. పెళ్లి వేడుకలలో భాగంగా జరిగిన ఈ సంగీత్ నైట్ చాలా గ్రాండ్ గా జరిగింది. 

ఫోటోలలో విజయ్–రష్మిక ఇద్దరూ ఒకరినొకరు కౌగిలించుకుని డ్యాన్స్ చేస్తూ కనిపిస్తున్నారు. రష్మికను తన చేతుల్లోకి ఎత్తుకుని విజయ్ గిరగిరా తిప్పిన క్షణం ప్రత్యేక ఆకర్షణగా నిలిచింది. ఆ ఆనందంలో ఇద్దరూ పూర్తిగా మునిగిపోయినట్టు స్పష్టంగా కనిపిస్తోంది.

సంగీత్ నైట్ గురించి రష్మిక భావోద్వేగంగా రాస్తూ.. ‘ప్రేమ, ఆనందభాష్పాలు, నవ్వులు, సంగీతం, పాటలు, మెరుపులు… రాత్రంతా డ్యాన్స్ చేసిన అద్భుతమైన రాత్రి అది’అని పేర్కొన్నారు. కుటుంబ సభ్యుల స్పీచులు, సర్‌ప్రైజ్‌లు తమ కళ్లలో ఆనందభాష్పాలు తెప్పించాయని తెలిపారు.

విజయ్ కూడా తన అనుభూతిని పంచుకుంటూ, ‘నవ్వుతూ కన్నీళ్లు వచ్చేంత వరకు నవ్వాం… కాళ్లు నొప్పించేంత వరకు డ్యాన్స్ చేశాం’అని రాశారు. సంగీత్ నైట్ కేవలం ఒక వేడుక కాకుండా జీవితాంతం గుర్తుండిపోయే జ్ఞాపకమని చెప్పారు.

డిజైనర్ ఫాల్గునీ షానే పీకాక్ రూపొందించిన ప్రత్యేక దుస్తుల్లో ఈ జంట మెరిసిపోయింది. గ్లిట్టర్‌తో మెరిసే అవుట్‌ఫిట్స్ వేడుకకు మరింత గ్లామర్ తీసుకొచ్చాయి. దుస్తులు హెవీగా ఉన్నప్పటికీ రష్మిక రాత్రంతా డ్యాన్స్ చేయడం విశేషం.

కుటుంబ సభ్యులు, స్నేహితులు స్టేజ్‌పైకి వచ్చి ఫ్రీగా డ్యాన్స్ చేయడం ఈ వేడుకను మరింత ప్రత్యేకంగా మార్చింది. ఇద్దరికీ సర్‌ప్రైజ్ ఇవ్వాలనుకున్న కుటుంబ సభ్యులు అద్భుతంగా ప్రదర్శనలు ఇవ్వడంతో జంట ఆనందంతో మురిసిపోయింది.

సంగీత్ వేదిక కూడా రాజరికాన్ని తలపించేలా అలంకరించబడింది. లైటింగ్, పుష్పాల అలంకరణ, వింటేజ్ కార్ ఎంట్రీ అన్ని కలిపి ఆ రాత్రిని ఒక ఫెయిరీటేల్ వేడుకలా మలిచాయి.

ఈ సంగీత్ ఫోటోలు విజయ్–రష్మిక ప్రేమను, కుటుంబ బంధాలను, ఆనందాన్ని ప్రతిబింబిస్తున్నాయి. అభిమానులు ‘విరోష్’ జంటకు శుభాకాంక్షలు తెలుపుతూ ఈ మధుర క్షణాలను సోషల్ మీడియాలో విస్తృతంగా షేర్ చేస్తున్నారు.