బుల్లితెరపై సత్తా చాటిన టాలీవుడ్ స్టార్లు ఎవరెవరంటే..!

నందమూరి తారకరామారావు గారి నట వారసుడిగా ఇండస్ట్రీలోకి వచ్చిన  బాలయ్య మాస్, యాక్షన్ సినిమాలతో ప్రేక్షకులను అలరిస్తున్నారు ఎన్నో హిట్ సినిమాల్లో నటించారు.  అన్‌స్టాపబుల్‌ టాక్ షోకు హోస్ట్‌గా వ్యవహరిస్తున్నారు. అన్‌స్టాపబుల్‌ టాక్ షో నెంబర్ 1 షో గా గుర్తింపు వచ్చిందంటే దానికి బాలయ్య మాత్రమే. బాలయ్య  చేసిన సందడికి ఆ షోకు భారీ టీఆర్పీ వచ్చింది.

మెగాస్టార్ చిరంజీవి ఇండస్ట్రీలో బ్యాకప్ ఎవరూ లేకుండా ఎదిగిన హీరో. సినిమాలతోపాటు సామాజిక కార్యక్రమాలు చేస్తూ ఎందరికో ఆదర్శంగా నిలుస్తున్నారు. హీరోగా వెండితెరపైనే కాకుండా బుల్లి తెరపై కూడా చిరు సందడి చేశారు. మీలో ఎవరు కోటీశ్వరుడు రెండో సీజన్‌కు హోస్ట్‌గా వ్యవహరించారు. తన స్టైల్‌ నవ్వు, డైలాగ్‌ డిక్షన్‌తో బుల్లి తెర ప్రేక్షకులను కూడా అలరించారు చిరంజీవి. 

యాక్షన్, మాస్ సినిమాలలో నటిస్తూ యంగ్‌టైగర్‌‌గా పేరు తెచ్చుకున్నారు జూనియర్ ఎన్టీఆర్. తన నటన, డాన్స్, డైలాగ్స్‌తో కోట్ల మంది అభిమానులను సంపాదించుకున్న ఎన్టీఆర్. ఆర్‌‌ఆర్‌‌ఆర్‌‌ సినిమాతో పాన్‌ ఇండియా స్టార్‌‌గా ఎదిగారు. బుల్లితెరపై కూడా తారక్‌ సందడి చేశారు. ఎవరు మీలో కోటీశ్వరులు, బిగ్‌బాస్‌ షోలకు హోస్ట్‌గా వ్యవహరించి ప్రేక్షకులను వినోదాన్ని పంచారు జూనియర్‌‌ ఎన్టీఆర్‌‌

టాలీవుడ్ మన్మథుడిగా అభిమానులను అలరిస్తున్న నాగ్.. ప్రస్తుతం వరుసగా యాక్షన్ సినిమాలు చేస్తున్నారు. ఇండస్ట్రీలోకి వచ్చిన కొత్తలో ఎంత జోష్‌గా సినిమాల్లో నటించేవారో అదే సరదా, ఎనర్జీతో ఇప్పటికీ ఉంటారు కింగ్ నాగార్జున. తెలుగుతోపాటు హిందీ సినిమాల్లోనూ నటించిన నాగార్జున.. బుల్లితెరపై కూడా సందడి చేస్తున్నారు. మీలో ఎవరు కోటీశ్వరుడు షోతో బుల్లితెరపైకి అడుగుపెట్టిన.  బిగ్‌బాస్‌ షోకు హోస్ట్‌గా వ్యవహరిస్తున్నారు. ఈ షో పాపులర్ కావడానికి నాగార్జునఇమేజ్‌ కూడా ప్రధాన కారణం.

అసిస్టెంట్ డైరెక్టర్‌‌గా ఇండస్ట్రీలోకి వచ్చారు నాని. అష్టా చమ్మా సినిమాతో హీరోగా మారి.. వరుస విజయాలతో నేచురల్‌ స్టార్‌‌గా ఎదిగారు. తన నటనతో పక్కింటి కుర్రాడు ఇమేజ్‌ను సొంతం చేసుకున్న నాని సంవత్సరానికి రెండుమూడు సినిమాలు చేస్తే వెండితెరపై ప్రేక్షకులను అలరిస్తున్నారు. నాని కూడా బుల్లి తెరపై కొన్నాళ్లు సందడి చేశారు. బిగ్‌బాస్‌ సీజన్‌2కి హోస్ట్‌గా చేశారు. కంటెస్టెంట్లలో జోష్‌ నింపుతూనే బుల్లితెర ప్రేక్షకులను కూడా అలరించారు నాని

వెండితెరపై హీరోగా, విలన్‌ క్యారెక్టర్లు చేస్తూనే నిర్మాతగా కూడా వ్యవహరిస్తున్నారు రానా. తెలుగు సినిమా వైభవాన్ని దేశవ్యాప్తం చేసిన బాహుబలి సినిమాలో భల్లాలదేవుడి క్యారెక్టర్‌‌లో రానా నటనకు విమర్శకుల ప్రశంసలు లభించాయి. వెండితెరపై చేస్తున్న సందడికి తోడు బుల్లితెరపై కూడా అల్లరి చేశారు. నెం.1 యారి అనే షోకు హోస్ట్‌గా చేశారు. ఈ షోలో సెల్రబిటీలతో సరదాసరదా ఆటలతో అలరించారు రానా దగ్గుబాటి 

చిన్నతనం నుంచి సినిమాల్లో నటిస్తూనే ఉన్నారు అలీ. కమెడియన్‌, హీరో, క్యారెక్టర్ ఆర్టిస్ట్‌గా కూడా నటించి ప్రేక్షకులను అలరించిన అలీ.. నిర్మాతగా మారి సినిమాలు కూడా తీశారు. తన కామెడీ టైమింగ్‌తో ప్రేక్షకులను అలరిస్తూ వెండితెరపై సందడి చేస్తున్నారు అలీ. ఇక, కొన్నేళ్లుగా వెండితెరపైనే కాకుండా బుల్లి తెరపై కూడా అలీ తన కామెడీతో ప్రేక్షకులకు వినోదాన్ని పంచుతున్నారు. అలీతో జాలీగా, అలీ 369, అలీతో సరదాగా కార్యక్రమాలకు యాంకర్‌‌గా వ్యవహరిస్తూ ప్రేక్షకులను అలరిస్తున్నారు.

డైలాగ్‌ కింగ్‌గా అందరికీ సుపరిచితులు సాయికుమార్. హీరోగానే కాకుండా డబ్బింగ్ ఆర్టిస్టుగా కూడా పాపులర్ అయ్యారు. పోలీస్‌ స్టోరీ సినిమాతో పోలీస్ క్యారెక్టర్లకు కేరాఫ్‌గా మారిన సాయికుమార్‌‌ వెండితెరపై పవర్‌‌ఫుల్ క్యారెక్టర్లు ఎన్నో చేసి ప్రేక్షకులను అలరించారు. బుల్లితెరపై కూడా సందడి చేస్తున్నారు. వావ్‌ 1, 2, 3 సీజన్లను సక్సెస్‌ఫుల్‌గా రన్‌ చేసిన సాయికుమార్  మనం అనే షోకు కూడా హోస్ట్‌గా చేసారు. 

ప్రస్తుతం సినిమాల్లో బిజీబిజీగా ఉన్న కమెడియన్ వెన్నెల కిశోర్ 'అలా మొదలైంది' అనే  షో చేస్తున్నారు.   ఎవరూ ఊహించని విధంగా బుల్లితెరపై ఇంటర్వ్యూ చేస్తూ అందరినీ అవాక్కయ్యేలా చేశారు.