ప్రస్తుతం అత్యధిక రెమ్యునరేషన్ అందుకుంటున్న టాప్ తెలుగు దర్శకులు

బాహుబలి సినిమాతో ఇండస్ట్రీ స్థాయిని పెంచాడు కాబట్టి మొదటగా ఈ దర్శకుడే నెంబర్ వన్ అని చెప్పవచ్చు. రాజమౌళి ఎక్కువగా బిగ్ బడ్జెట్ సినిమాలు తీస్తుంటారు కాబట్టి రెమ్యునరేషన్ లా కాకుండా బిజినెస్ లో వాటాలు తీసుకుంటూ వస్తున్నారు. మార్కెట్ పరంగా చూసుకుంటే బిజినెస్ బట్టి ఒక 200కోట్ల సినిమాకు 30కోట్లకు పైగా తీసుకుంటారట. ఇక RRRకు షేర్స్ ద్వారానే డీలింగ్స్ సెట్ చేసుకున్నట్లు సమాచారం. అంటే సినిమా బిజినెస్ బట్టి ఆ సినిమాకు 100కోట్లు తీసుకున్నా ఆశ్చర్యపోవాల్సిన అవసరం లేదు.

మరొక అగ్ర దర్శకుడు త్రివిక్రమ్ శ్రీనివాస్ కూడా గత కొంతకాలంగా రాజమౌళి తరహాలోనే వెళుతున్నారు. హారిక హాసిని క్రియేషన్స్ లో తప్పితే మరొక సంస్థలో సినిమాలు చేయట్లేదు. అల.. వైకుంఠపురములో హిట్టయ్యింది కాబట్టి 20కోట్ల వరకు అడిగే డిమాండ్ ఉంది. ఇక మహేష్ బాబు సినిమాకు అంతకంటే ఎక్కువ వచ్చేలా లాభాల్లో వాటా అడిగే అవకాశం ఉందట.

మైత్రి మూవీ మేకర్స్ తో రంగస్థలం సినిమా చేసినా సుకుమార్ బాక్సాఫీస్ హిట్ అందుకోవడంతో మళ్ళీ అదే ప్రొడక్షన్ లో సినిమా చేస్తున్నాడు. బన్నీతో చేస్తున్న పాన్ ఇండియా సినిమా పుష్ప రెండు బాగల కోసం 30కోట్లకు పైగానే అందుకుంటున్నట్లు సమాచారం.

ఇక మినిమమ్ పెట్టిన పెట్టుబడికి డబుల్ ప్రాఫిట్స్ వచ్చేలా చేయడంలో కొరటాల శివ సిద్ధహస్తుడు. రిస్క్ లేకుండా సినిమాను సేఫ్ జోన్ లో ఉంచుతాడు. ఇక ఆ ఆయన ప్రస్తుతం మెగాస్టార్ చిరంజీవితో చేస్తున్న ఆచార్య సినిమాకు 13కోట్ల వరకు పారితోషికం అందుకుంటున్నట్లు సమాచారం.

వరుస బాక్సాఫీస్ హిట్స్ తో దూసుకుపోతున్న యువ దర్శకుడు అనిల్ రావిపూడి F2 సినిమాతో తన మార్కెట్ ను మరింత పెంచుకున్నాడు. సరిలేరు నీకెవ్వరు సినిమా కోసం 9కోట్లు తీసుకున్న అనిల్ ప్రస్తుతం చేస్తున్న F3 కోసం 10కోట్ల వరకు తీసుకున్నట్లు సమాచారం.

శేఖర్ కమ్ముల కూడా ప్రస్తుతం టాప్ రెమ్యునరేషన్ అందుకుంటున్న దర్శకుల్లో ఒకరని చెప్పవచ్చు. ఫిదా సినిమా బాక్సాఫీస్ వద్ద మంచి లాభాలను అందించింది. ఇక లవ్ స్టొరీ సినిమాకు 10కోట్లకు పైగానే అందుకున్నట్లు తెలుస్తోంది. ఇక ధనుష్ తో చేయబోయే బిగ్ బడ్జెట్ సినిమాకు కూడా అంతకంటే ఎక్కువ రావచ్చని సమాచారం.

పూరి జగన్నాథ్ అయితే ఇప్పుడు తన సొంత ప్రొడక్షన్ లోనే సినిమాలు చేసుకుంటున్నారు.  ప్రస్తుతం టాప్ రెమ్యునరేషన్ అందుకుంటున్న దర్శకుల్లో ఒకరని చెప్పవచ్చు. సినిమాకు 8, 10కోట్ల వరకు తీసుకున్నట్లు సమాచారం.

బోయపాటి శ్రీను కూడా వినయ విధేయ రామ వరకు ఫామ్ లో ఉన్నాడు కాబట్టి ఆయనకు 8కోట్ల వరకు ఇచ్చారాట. ఇక ఆ సినిమా డిజాస్టర్ అవ్వడం వలన అఖండ సినిమాకు కాస్త తగ్గించినట్లు తెలుస్తోంది. ఓకవేళ సినిమా హిట్టయితే పారితోషికం డబుల్ కూడా అవుతుందట. అలా డీల్ సెట్ చేసుకున్నట్లు టాక్ వస్తోంది.