15 ఏళ్ల తర్వాత నటనపై వైపు.. సంఘ సంస్కర్త పాత్రలో రేణు దేశాయ్!

తెలుగు మూవీకి సైన్ చేసిన రేణు దేశాయ్

ఇటీవలే తాను తెలుగులో వంశీ కృష్ణ దర్శకత్వంలో తెరకెక్కుతున్న ఓ సినిమాకు సైన్ చేసినట్లు రేణు దేశాయ్ తెలిపారు. దీంతో పాటు మరో ముఖ్యమైన ప్రాజెక్టు కూడా ఒప్పుకున్నాను. వచ్చేవారం ఈ మూవీ షూటింగ్ మొదలవుతుందని తెలిపారు.

హేమలత లవణం పాత్రలో...

వంశీ కృష్ణ దర్శకత్వంలో రూపొందుతున్న సినిమాలో చాలా ప్రత్యేకమైన పాత్ర చేస్తున్నారు. హేమలత లవణం గారి పాత్రలో నటిస్తున్నాను. వ్యక్తిగతంగా నాకు హేమలత లవణం గారు అంటే చాలా రెస్పెక్ట్. ఆమె పాత్రలో నటించడం గౌరవంగా భావిస్తున్నట్లు రేణు దేశాయ్ వ్యాఖ్యానించారు.

ఎవరీ హేమలత లవణం?

హేమలత లవణం ఒక సామాజిక సంస్కర్త. రచయిత. అంటరానితనం, కుల వ్యవస్థపై పోరాటం చేశారు. తన భర్త లవణంతో కలిసి ‘సంస్కార్‌' అనే సంస్థను స్థాపించారు.

దర్శకురాలిగా, నిర్మాతగా

పవన్ కళ్యాణ్ నుంచి విడిపోయిన తర్వాత దర్శకురాలిగా, నిర్మాతగా మరాఠీ చిత్రాలు రూపొందించిన రేణు దేశాయ్... అవి కమర్షియల్‌గా వర్కౌట్ కాకపోవడంతో నటనవైపు అడుగులు వేస్తున్నట్లు చర్చించుకుంటున్నారు.