అంతరిక్షం 9000KMPH

అంతరిక్షం 9000KMPH సినిమా సైన్స్ ఫిక్షన్ నేపథ్యంలో తెరకెక్కుతున్న చిత్రం ఇందులో వ‌రుణ్ తేజ్ వ్యోమ‌గామిగా ఇంకా లావ‌ణ్య త్రిపాఠి, అదితిరావ్ హైద్రీ, స‌త్య‌దేవ్, శ్రీ‌నివాస్ అవ‌స‌రాల త‌దిత‌రులు నటిస్తున్నారు. ఈ సినిమాకి దర్శకత్వం సంకల్ప్ రెడ్డి వహిస్తున్నారు మరియు నిర్మాతలు క‌్రిష్ జాగ‌ర్ల‌మూడి, సాయిబాబు జాగ‌ర్ల‌మూడి, రాజీవ్ రెడ్డి సంయుక్తంగా నిర్మిస్తున్నారు. ఈ చిత్రానికి సంగీతం ప్రశాంత్ విహారి అందిస్తున్నారు.  కథ ఇండియన్ స్పేస్ సెంటర్లో సైంటిస్ట్ దేవ్(వరుణ్ తేజ్). అతని నేతృత్వంలో భారతదేశం ప్రతిష్టాత్మకంగా చంద్రుడిపై పరిశోధనలు చేసేందుకుగాను విప్రయాన్ శాటిలైట్‌ను ప్రయోగిస్తుంది. ప్రయోగం విజయవంతం అయినా కొన్ని సాంకేతిక సమస్యల వల్ల దానితో కమ్యూనికేషన్ తెగిపోతుంది. దాన్ని సరిచేయడానికి చేసిన ప్రయత్నం ఫెయిల్ అవుతుంది. అదే సమయంలో తన ప్రియురాలు(లావణ్య)ను కోల్పోయిన దేవ్... తన జాబ్ వదిలేసి వెళ్లిపోతాడు. మెహిరా అనే శాటిలైట్లో సాంకేతిక లోపం ఏర్పడుతుంది. అది కక్ష తప్పితే ఇతర దేశాల శాటిలైట్లను సైతం ఢీకొని ప్రపంచం మొత్తం కమ్యూనికేషన్ కట్ అవుతుంది. అలా జరిగితే మన దేశం నుంచి నలుగురు వ్యోమగాములను అంతరిక్షంలోకి పంపే ప్రతిష్టాత్మక కార్యక్రమం ఆగిపోతుంది. ప్రపంచ దేశాల ముందు మన పరువు పోతుంది. మెహిరా లోపాన్ని సరిచేసే సత్తా దేవ్‌కు మాత్రమే ఉంటుంది. ఐదేళ్లుగా స్పేస్ సెంటర్‌కు దూరంగా ఉన్న అతడిని తిరిగి రప్పిస్తారు.