కొత్త ఆశలతో ఎదురుచూస్తున్నా.. ట్రెండీ వేర్‌లో కాజల్ అగర్వాల్ మెరుపులు

హీరోయిన్ల లైఫ్ స్పాన్ చాలా తక్కువ. మహా అయితే 3 ఏళ్లు.. మంచి హిట్స్ మరో రెండు మూడేళ్లు లైమ్ లైట్‌లో ఉంటారు. ఆ తర్వాత ఫేడ్ అవుట్ కాకతప్పదు. అలాంటిది దాదాపు 20 ఏళ్లుగా చిత్ర పరిశ్రమలో స్టార్ హీరోయిన్‌గా వెలుగొందుతున్నారు కాజల్ అగర్వాల్. ఈ జనరేషన్‌లో 20 ఏళ్ల కెరీర్ పూర్తి చేసుకున్న హీరోయిన్లలో ఒకరిగా నిలిచారు.

ముంబైలో స్థిరపడిన పంజాబీ కుటుంబం జన్మించారు కాజల్ అగర్వాల్. తొలుత హిందీ చిత్రంతో నటన వైపు అడుగులు వేసిన ఈ ముద్దుగుమ్మ.. ఆ తర్వాత లక్ష్మీ కళ్యాణం సినిమాతో తెలుగువారిని పలకరించారు. నందమూరి కళ్యాణ్ రామ్ హీరోగా తేజ దర్శకత్వంలో ఈ సినిమా వచ్చింది.

కలువల్లాంటి కళ్లు, చూపు తిప్పుకోనివ్వని అందంతో తొలి సినిమాతో కుర్రాళ్లను కట్టిపడేశారు కాజల్. ఆ తర్వాత క్రియేటివ్ డైరెక్టర్ కృష్ణవంశీ దర్వకత్వంలో తెరకెక్కిన చందమామతో తొలి బ్రేక్ అందుకున్న కాజల్ కెరీర్‌ను దర్శకధీరుడు ఎస్ఎస్ రాజమౌళి దర్శకత్వంలో వచ్చిన మగధీర మలుపు తిప్పింది. 

మగధీర ఇండస్ట్రీ హిట్‌గా నిలవడంతో టాలీవుడ్‌లో ఓవర్‌నైట్ స్టార్ హీరోయిన్‌గా మారారు కాజల్. మహేశ్ బాబు, ప్రభాస్, ఎన్టీఆర్, అల్లు అర్జున్, రవితేజ వంటి అగ్రనటుల సరసన సినిమాలు చేస్తూ ఓ వెలుగు వెలిగింది. తెలుగుతో పాటు తమిళంలోనూ విజయ్, సూర్య, కార్తీ వంటి స్టార్స్‌తో సినిమాలు చేసింది. 

మధ్యమధ్యలో హిందీలోనూ కొన్ని సినిమాలు చేసింది కాజల్ అగర్వాల్. కరోనా సమయంలో తన చిన్ననాటి స్నేహితుడు గౌతమ్ కిచ్లూని ప్రేమించి పెళ్లి చేసుకుంది మిత్రవింద. ఈ దంపతులకు ఓ కుమారుడు. వివాహం తర్వాత తన ఇమేజ్‌కు తగిన సినిమాలు చేస్తూ సక్సెస్‌ఫుల్‌గా కెరీర్ కొనసాగిస్తున్నారు కాజల్.