బ్లాక్ డ్రెస్‌లో నల్లద్రాక్షలా పూనం బజ్వా.. చెప్పుల్ని విప్పేసి అందాలతో అటాక్

మత్తెక్కించే అందాలు, నటన ఉన్నప్పటికీ కొందరికీ సినీ రంగంలో అవకాశాలు దక్కవు. సినీరంగంలో అడుగుపెట్టిన ఎంతోమంది ముద్దుగుమ్మలు.. స్టార్ డమ్ అందుకోలేక మధ్యలోనే ఫేడవుట్ అయిపోయారు. అయితే మరికొందరు మాత్రం.. ఏళ్లుగా ఇండస్ట్రీలో ఉన్నప్పటికీ ఎలాంటి ఎదుగు బొదుగు ఉండదు. ఈ కోవలోకే వస్తారు పూనం బజ్వా.

2005లో మొదటి సినిమాతో తెలుగు చిత్ర పరిశ్రమలో అడుగుపెట్టారు పూనం బజ్వా. ఆ తర్వాత ప్రేమంటే ఇంతే, బాస్, వేడుక, పరుగు సినిమాలలో నటించారు. అయితే టాలీవుడ్‌లో అనుకున్న స్థాయిలో సక్సెస్ కాలేకపోవడంతో ఇతర భాషా చిత్రాల వైపు అడుగులు వేశారు.

కన్నడ, తమిళ, మలయాళం తదితర చిత్రాలలో నటించి స్టార్ హీరోయిన్ అనిపించుకున్నారు. ఆయా భాషలలో అగ్రనటుల సరసన నటించి క్రేజీ హీరోయిన్ అనిపించుకున్నారు. అయితే అక్కడా కొత్త అందాలు రావడంతో పూనం బజ్వా పరిస్థితి దారుణంగా తయారైంది. 

దాదాపు 12 ఏళ్లు తనను పట్టించుకోని తెలుగు చిత్ర పరిశ్రమ నుంచి పూనం బజ్వాకి మళ్లీ పిలుపొచ్చింది. స్వర్గీయ నందమూరి తారక రామారావు జీవిత కథ ఆథారంగా తెరకెక్కిన ఎన్టీఆర్ కథానాయకుడులో ఆయన పెద్ద కుమార్తె గారపాటి లోకేశ్వరిగా పూనం నటించారు. ఆ తర్వాత యథాప్రకారం ఆమెకు అవకాశాలు ముఖం చాటేశాయి. 

2022లో పాథన్‌పాథం నోట్టాండు, మై హూమ్ మూసా, గురుమూర్తి తదితర చిత్రాలలో నటించారు పూనం బజ్వా. నాటి నుంచి దాదాపు మూడేళ్లుగా ఆమె ఖాళీగా ఉన్నారు. ప్రస్తుతం సోషల్  మీడియా ద్వారా అభిమానులతో టచ్‌లో ఉంటూ హాట్ హాట్ ఫోటోషూట్‌లతో కుర్రాళ్లను రెచ్చగొడుతున్నారు.