బికినీ లాంటి డ్రెస్‌లో డింపుల్ హయాతి.. రొమాంటిక్ ఫోజుల్లో గ్లామర్ ట్రీట్!

అచ్చ తెలుగు అమ్మాయి డింపుల్ హయాతి చిత్ర పరిశ్రమలో ఇంకా పోరాడుతూనే ఉన్నారు. అయితే నటిగా కంటే వివాదాలతోనే డింపుల్ ఎక్కువ ఫేమస్ అవుతున్నారు. సోషల్ మీడియాలో యాక్టీవ్‌గా ఉండే ఈ బెజవాడ అమ్మాయి.. తాజాగా చేసిన ఫోటో షూట్ వైరల్ అవుతోంది.

తొలుత సునీల్ కుమార్ రెడ్డి దర్శకత్వంలో తెరకెక్కిన గల్ఫ్ మూవీలో కనిపించింది డింపుల్ హయాతి. వాస్తవ ఘటనల ఆధారంగా తెరకెక్కిన ఈ సినిమా వచ్చినట్లు, వెళ్లినట్లుగా కూడా తెలియదు. ఈ క్రమంలో బాక్సాఫీస్ వద్ద డిజాస్టర్‌గా నిలిచింది.

ఆ తర్వాత వరుణ్ తేజ్ హీరోగా హరీష్ శంకర్ దర్శకత్వంలో వచ్చిన గద్ధలకొండ గణేష్ మూవీలో జర్రా జర్రా అనే ఐటెం సాంగ్‌లో తళుక్కున మెరిసింది డింపుల్ హయాతి. ఈ పాటలో తన డ్యాన్స్, ఎక్స్‌ప్రెషన్స్‌తో మంచి పేరు తెచ్చుకుని దర్శక నిర్మాతల కళ్లలో పడింది.

ఆ తర్వాత అభినేత్రి, యూరేకా, ఖిలాడి, రామబాణం సినిమాలలో నటించింది. తెలుగులో అనుకున్న స్థాయిలో గుర్తింపు రాకపోవడంతో తమిళ్, కన్నడ, హిందీ చిత్రాల్లో అదృష్టం పరీక్షించుకుంది డింపుల్. కానీ అక్కడా తన జాతకం మారకపోవడంతో డీలా పడిపోయింది ఈ ముద్దుగుమ్మ. ప్రస్తుతం మాస్ మహారాజ రవితేజ సరసన భర్త మహాశయులకు విజ్ఞప్తి అనే సినిమాలో ఆమె నటిస్తున్నారు.

ఇక వివాదాల విషయానికి గతేడాది ఓ పోలీస్ ఆఫీసర్‌తో పార్కింగ్ విషయంలో గొడవ పడటం సంచలనం సృష్టించింది. కొద్దిరోజుల క్రితం పనిపిల్లల విషయంలో వివాదం చోటు చేసుకున్నట్లుగా మీడియాలో వార్తలు వచ్చాయి. అయితే డింపుల్‌కు ఓ న్యాయవాదితో వివాహం జరిగినట్లుగా పుకార్లు వైరల్ అయ్యాయి.