బ్లాక్ శారీలో మెరిసిపోతోన్న ఈషా రెబ్బా.... అక్కడ నెక్లెస్ చూపిస్తూ కవ్వింపులు

ఇండస్ట్రీలో అడుగుపెట్టి పుష్కర కాలం పూర్తవుతున్నా ఇంత వరకు ఆమెకు సరైన బ్రేక్ దక్కలేదు. కానీ శక్తివంచన లేకుండా కృషి చేస్తున్నారు ఈ ముద్దుగుమ్మ. తాజాగా ఈషా రెబ్బా కీలకపాత్ర పోషించిన 3 రోజెస్ 2 వెబ్ సిరీస్ ప్రేక్షకుల ముందుకు వచ్చింది. దాంతో ఈ తెలుగు అమ్మాయి ఇటీవల వార్తల్లో ఎక్కువగా కనిపిస్తున్నారు.

ఈషా రెబ్బా, రాశి సింగ్, కుషిక కళ్లపు గతంలో నటించిన 3 రోజెస్ 2 వెబ్ సిరీస్‌కు సీక్వెల్‌గా ఈ వెబ్ సిరీస్‌ తెరకెక్కింది. ప్రముఖ దర్శకుడు మారుతి క్రియేటివ్ హెడ్‌గా, ఎస్‌కేఎన్ ఈ వెబ్ సిరీస్‌ను నిర్మించగా.. కిరణ్ కే కరవల్ల దర్శకత్వం వహించారు. సత్య, హర్ష చెముడు, ప్రభాస్ శ్రీను తదితరులు కీలకపాత్రలు పోషించారు.

ప్రముఖ తెలుగు ఓటీటీ సంస్థ ఆహాలో డిసెంబర్ 12 నుంచి ఈ 3 రోజెస్ 2 స్ట్రీమింగ్ అవుతోంది. ముగ్గురు అమ్మాయిలు ఒకే గదిలో అద్దెకు ఉండటం .. వారి మధ్య చోటు చేసుకున్న అల్లరి, ఇతర పరిణామాలు, వారి స్నేహం వంటివి ఈ సీజన్‌లో కనిపిస్తాయని ఈషా తెలిపారు.

ప్రస్తుతం ఓం శాంతి శాంతి శాంతి అనే సినిమాలో ఈషా రెబ్బా నటిస్తున్నారు. అందాల ఆరబోతే కాకుండా ఇందులో ఆమె కొన్ని యాక్షన్ సీక్వెన్స్‌‌లు చేసినట్లుగా వార్తలు వస్తున్నాయి. అలాగే తమిళంలో విక్రమ్ ప్రభు హీరోగా తెరకెక్కుతోన్న ఓ చిత్రంలోనూ ఈషా రెబ్బా హీరోయిన్‌గా నటిస్తున్నారు.

ఇక ఓం శాంతి శాంతి శాంతి సినిమాలో దర్శకుడు తరుణ్ భాస్కర్‌కు జంటగా ఈషా నటిస్తున్నారు. ఈ సినిమా షూటింగ్ టైంలో వీరిద్దరూ ప్రేమలో పడ్డారని, త్వరలోనే పెళ్లి చేసుకోబోతున్నారని గాసిప్స్ వైరల్ అవుతున్నాయి. ఇటీవల విశ్వక్‌సేన్ ఇంట్లో జరిగిన దీపావళి వేడుకల్లో జంటగా కనిపించడంతో ఈ వార్తలకు బలం చేకూరుతోంది.