హాఫ్ శారీలో మిరాయ్ బ్యూటీ.. చూపుతోనే మంటపెడుతోన్న రితికా నాయక్

కార్తీక్ ఘట్టమనేని దర్శకత్వంలో తేజ సజ్జా హీరోగా నటించిన చిత్రం మిరాయ్. సెప్టెంబర్ 12న వరల్డ్ వైడ్‌గా గ్రాండ్‌గా రిలీజైన ఈ సినిమా బాక్సాఫీస్ వద్ద కలెక్షన్ల వర్షం కురిపిస్తోంది. దాదాపు 140 కోట్ల వసూళ్లతో తేజ సజ్జాకు మరో విజయాన్ని అందించింది. ఈ చిత్రంలో మంచు మనోజ్, శ్రీయా శరణ్‌లు కీలకపాత్రలు పోషించారు. 

ఎంతమంది స్టార్స్ ఉన్నప్పటికీ ప్రస్తుతం అందరి చూపూ మిరాయ్‌లో హీరోయిన్‌గా నటించిన రితికా నాయక్ మీదే పడింది. తన క్యూట్ లుక్స్‌తో విడుదలకు ముందే ఈ ముద్దుగుమ్మ.. కుర్రాళ్లకు పిచ్చెక్కించింది. ఈ నేపథ్యంలో రితికా నాయక్ గురించి నెటిజన్లు తెగ వెతికేస్తున్నారు.

27 అక్టోబర్ 2000లో ఢిల్లీలో జన్మించింది రితికా నాయక్‌. శ్యామ ప్రసాద్ ముఖర్జీ కాలేజీ ఫర్ ఉమెన్‌లోగ్రాడ్యుయేషన్ చేశారు. వీరిది ఢిల్లీలో స్థిరపడిన ఒడియా కుటుంబం. చదువుల్లో టాపర్‌గా నిలిచిన ఈ ముద్దుగుమ్మ.. ఆపై మోడలింగ్‌లో దిగి 2019లో ఢిల్లీలో టైమ్స్ ఫ్రెష్ ఫేస్ 12వ సీజన్‌లో విజేతగా నిలిచారు. 

మోడలింగ్ తర్వాత సినీరంగం వైపు అడుగులు వేసిన రితికా సింగ్‌ టాలీవుడ్‌తోనే తన సినీ ప్రయాణాన్ని ప్రారంభించారు. తొలుత మాస్ కా దాస్ విశ్వక్‌సేన్ హీరోగా వచ్చిన అశోక వనంలో అర్జున కళ్యాణం చిత్రంలో ఓ కీలకపాత్ర పోషించారు. ఇందులో వసుధగా ఆమె అద్భుతంగా నటించారు. ఇందుకు గాను సైమా అవార్డ్ ఫర్ బెస్ట్ ఫిమేల్ డెబ్యూ కేటగిరీలో అవార్డ్ అందుకున్నారు 

అనంతరం నేచురల్ స్టార్ నాని, మృణాల్ ఠాకూర్ కాంబోలో వచ్చిన హాయ్ నాన్నలో ఆయనకు కూతురిగా రితిక గెస్ట్ రోల్ పోషించారు. ఈ క్రమంలోనే రితికకు మిరాయ్‌లో నటించే అవకాశం దక్కింది. ఈ సినిమాతో పాటు డ్యూయెట్, వీటీ 15 చిత్రాల్లో రితికా నాయక్ నటిస్తున్నారు.