గ్రీస్‌లో ఎంజాయ్ చేస్తోన్న ప్రణీత... స్విమ్మింగ్ పూల్‌లో రొమాంటిక్ ఫోజులు!

కన్నడ ఇండస్ట్రీ నుంచి తెలుగు చిత్ర పరిశ్రమలో అడుగుపెట్టారు కలువ కళ్ల ప్రణీత సుభాష్. అందం, అభినయం పరంగా మంచి మార్కులు వేయించుకున్న ఈ ముద్దుగుమ్మకు అదృష్టం కలిసి రాలేదు. హీరోయిన్‌గా ఒకటి రెండు సినిమాలు చేసిన ప్రణీతకు ఆ తర్వాత సెకండ్ లీడ్‌గానే ఛాన్స్‌లు వచ్చాయి.

బెంగళూరులో పుట్టి పెరిగిన ప్రణీత 2010లో దర్శన్ హీరోగా వచ్చిన పోక్రీతో నటిగా తన సినీ ప్రస్థానం ప్రారంభించారు. తెలుగులో సూపర్‌స్టార్ మహేశ్ బాబు హీరోగా వచ్చిన బ్లాక్‌బస్టర్ మూవీ పోకిరికి రీమేక్ ఈ చిత్రం. ఇందులో ఛాలెంజింగ్ స్టార్ దర్శన్ హీరోగా నటించారు.

తనీష్ హీరోగా వచ్చిన ఏం పిల్లో ఏం పిల్లడో సినిమాతో టాలీవుడ్‌లో అడుగుపెట్టారు ప్రణీత.. ఆ తర్వాత బావ, అత్తారింటికి దారేది, పాండవులు పాండవులు తుమ్మెద, రభస, డైనమైట్, బ్రహ్మోత్సవం, మాస్ లీడర్, హలో గురు ప్రేమిస్తా, ఎన్టీఆర్ కథానాయకుడు సినిమాలతో తెలుగువారిని అలరించారు.

తెలుగులో అనుకున్న స్థాయిలో స్టార్‌డమ్ దక్కకపోవడంతో ప్రణీత తమిళం, మలయాళంలపై ఫోకస్ పెట్టారు. అయితే అక్కడా అదృష్టం కలిసిరాలేదు. చివరికి హిందీలో తన ఫేట్ మారుతుందని అనుకుని హంగామా 2, భుజ్: ది ప్రైడ్ ఆఫ్ ఇండియా సినిమాలో నటించినా అక్కడే అదే సెంటిమెంట్ రిపీట్ అయ్యింది.

చివరిసారిగా 2024లో కన్నడలో రమణ అవతార అనే సినిమాలో నటించారు ప్రణీత సుభాష్. బెంగళూరుకు చెందిన నితిన్ రాజు అనే వ్యక్తిని 2021లో పెళ్లాడారు ప్రణీత. ఈ దంపతులకు తొలుత కుమార్తె, గతేడాది కుమారుడు జన్మించారు. ప్రస్తుతం భర్త, పిల్లలతో ఫ్యామిలీ లైఫ్ ఎంజాయ్ చేస్తున్నారు ప్రణీత సుభాష్.