అలా చిల్ అవుతోన్న రష్మిక మందన్న... అజంతా శిల్పంలా ఫోజులు!

ప్రస్తుతం టాలీవుడ్ టూ బాలీవుడ్ మోస్ట్ లక్కీయెస్ట్ ఎవరంటే టక్కున వినిపించే పేరు నేషనల్ క్రష్  రష్మిక మందన్నయే. ఆమె ఏది పట్టుకుంటే అది బంగారంగా మారుతోంది. రష్మిక నటించే ప్రతి సినిమా వందల కోట్ల బిజినెస్ చేస్తూ నిర్మాతలకు లాభాలు తెచ్చిపెడుతోంది.

యానిమల్, పుష్ప 2, ఛావా, కుబేర, థామాలతో వరుస హిట్స్‌ని తన ఖాతాలో వేసుకుని బాలీవుడ్ టాప్ హీరోయిన్లకు కూడా అందని రికార్డులను నెలకొల్పుతున్నారు. ఆమె డేట్స్ కోసం దర్శక నిర్మాతలు క్యూకడుతున్నారు. ప్రస్తుతం ది గర్ల్ ఫ్రెండ్ మూవీతో తనలోని విలక్షణ నటిని మరోసారి పరిచయం చేశారు రష్మిక. 

టాలీవుడ్ స్టార్ హీరో విజయ్ దేవరకొండతో గత కొన్నేళ్లుగా డేటింగ్ చేస్తున్న రష్మిక మందన్న .. ఈ విషయాన్ని గోప్యంగా ఉంచారు. కానీ ఇద్దరూ సీక్రెట్‌గా వెకేషన్స్, పార్టీలు, ఇతర శుభకార్యాలలో పాల్గొంటూ మీడియాకు దొరికిపోతున్నారు. అయితే ఇటీవల వీరిద్దరూ సీక్రెట్‌గా ఎంగేజ్‌మెంట్ జరిగినట్లుగా సోషల్ మీడియాలో కథనాలు వచ్చాయి. కానీ వీరిద్దరూ దీనిని  అధికారికంగా ప్రకటించలేదు. 

ఇటీవలే ది గర్ల్ ఫ్రెండ్ మూవీ సక్సెస్‌మీట్ కార్యక్రమానికి చీఫ్ గెస్ట్‌గా హాజరయ్యారు విజయ్ దేవరకొండ. ఈ సందర్భంగా రష్మిక చేతిని ముద్దాడారు విజయ్. రష్మిక ఎంతో కష్టపడి ఈ స్థాయికి చేరుకున్నారని తన  ప్రియురాలిని ప్రశంసించారు. 

విజయ్ దేవరకొండ - రష్మిక మందన్నల పెళ్లి ఎప్పుడు? డెస్టినేషన్ వెడ్డింగా? అనే గాసిప్స్ వైరల్ అవుతున్నాయి. సోషల్ మీడియాలో వైరల్ అవుతున్న సమాచారం ప్రకారం 2026 ఫిబ్రవరిలో రాజస్థాన్‌లోని ఉదయ్‌పూర్‌లో ప్యాలెస్‌లో వీరి పెళ్లి అంగరంగ వైభవంగా జరగనుందట. దీనిపై త్వరలోనే  క్లారిటీ రానుంది.