Click it and Unblock the Notifications
Gundeninda Gudigantalu Weekly: మీనాకు రూ.9 లక్షల మోసం.. బాలు మాస్టర్ ప్లాన్.. మనోజ్తో గొడవ!
Gundeninda Gudigantalu Weekly Roundup: గుండె నిండా గుడిగంటలు ప్రస్తుతం రసవత్తరంగా నడుస్తోంది. స్టార్ మాలో ప్రసారం అవుతున్న ఈ సీరియల్ కు ప్రస్తుతం మంచి ఆదరణ దక్కుతోంది. ఈ సందర్భంగా జూలై 20వ తేదీ నుంచి జూలై 24వ తేదీ వరకు 730 నుంచి 734వ ఎపిసోడ్స్ వరకు ఏం జరిగిందనే వివరాల్లోకి వెళితే..
సోమవారం ఎపిసోడ్ భావోద్వేగాలతో సాగింది. రూ.10 లక్షల డెకరేషన్ ఆర్డర్ పూర్తి చేసిన మీనాకు ఊహించని షాక్ ఎదురైంది. ఫంక్షన్ హాల్ మేనేజర్, చింతామణితో కలిసి ఆమెను మోసం చేశాడు. రూ.9 లక్షలు ఇవ్వకుండా, మొత్తం డబ్బులు చెల్లించామని అబద్ధం చెప్పాడు. నిజం చెప్పేందుకు మీనా ఫంక్షన్ హాల్ యజమాని వద్దకు వెళ్లినా, ఆయన ఆమె మాటలను నమ్మలేదు. పైగా సెక్యూరిటీతో బయటకు పంపించాడు. బయటకు వచ్చిన మీనా కన్నీళ్లు పెట్టుకుంది. తాను ఎలాంటి తప్పు చేయలేదని, నిజాన్ని నిరూపిస్తానని నిర్ణయించుకుంది. ఇదే సమయంలో బాలు వీడియో కాల్ చేశాడు. కానీ జరిగిన విషయం చెప్పలేక మీనా బాధను దాచుకుంది. మరోవైపు బాలు మాత్రం తన భార్యను అందరి ముందు పొగడ్తలతో ముంచెత్తాడు. మీనా కష్టపడి ఈ స్థాయికి వచ్చిందని గర్వంగా చెప్పాడు. ఆ మాటలు విన్న మీనా మరింత భావోద్వేగానికి గురైంది.
photo courtesy jio hotstar
ఇదే సమయంలో చింతామణి కుట్ర సక్సెస్ కావడంతో ప్రభావతి ఆనందపడింది. మీనా ఇక వ్యాపారం చేయలేదని భావించి ఇంట్లో బిర్యానీ తెప్పించి సెలబ్రేట్ చేసింది. అయితే సత్యం, శృతి ఆమె ప్రవర్తనను తప్పుబట్టారు. శృతి, రవి మీనా బాధను గమనించి నిజం చెప్పాలని కోరినా, ఆమె మాత్రం మౌనంగా ఉండిపోయింది. రాత్రి మీనాకు భయంకరమైన కల వచ్చింది. నిజం తెలిస్తే బాలు కోపంతో మేనేజర్పై దాడి చేసి జైలుకు వెళ్తాడని ఊహించి భయపడింది. అందుకే జరిగిన మోసాన్ని భర్తకు చెప్పకూడదని నిర్ణయించుకుంది. చివర్లో ఫైనాన్సర్ సింగరాజు డబ్బుల కోసం ఒత్తిడి చేయడం, కార్మికులు కూలి అడగడంతో మీనా అన్ని వైపులా సమస్యల్లో చిక్కుకుంది. దీంతో తర్వాతి ఎపిసోడ్పై ఉత్కంఠ నెలకొంది.
మంగళవారం ఎపిసోడ్ ఉత్కంఠభరితంగా సాగింది. రూ.10 లక్షల డెకరేషన్ ఆర్డర్లో **రూ.9 లక్షలు** మోసపోవడంతో మీనా తీవ్ర ఆవేదనకు గురైంది. అప్పులు ఎలా తీర్చాలో తెలియక మానసికంగా కుంగిపోయింది. ఫైనాన్సర్ సింగరాజు డబ్బులు వెంటనే ఇవ్వాలని ఒత్తిడి చేశాడు. మరోవైపు డెకరేషన్ కార్మికులు కూడా తమ కూలి కోసం ఇంటికి వచ్చారు. అందరికీ డబ్బులు చెల్లిస్తానని మీనా హామీ ఇచ్చినా, లోపల మాత్రం తీవ్ర ఆందోళన చెందింది. ఇదే సమయంలో చింతామణి కుట్ర సక్సెస్ అయిందని ప్రభావతి సంతోషపడింది. మీనా ఇక ఇంటికే పరిమితం అవుతుందని భావించింది. అయితే శృతి ప్రభావతికి గట్టిగానే సమాధానం చెప్పి షాక్ ఇచ్చింది. మీనా ప్రవర్తనలో మార్పు గమనించిన బాలు ఫోన్ చేయగా, ఆమె నిజం చెప్పకుండా తప్పించుకుంది. దీంతో అనుమానం వచ్చిన బాలు శృతిని గుడికి పంపించాడు.
గుడిలో దేవుడి ముందు కన్నీళ్లు పెట్టుకున్న మీనా తన బాధను సుమతికి చెప్పింది. ఇదంతా శృతి విని వెంటనే బాలు, రవికి సమాచారం ఇచ్చింది. ముగ్గురూ కలిసి చింతామణి, ఫంక్షన్ హాల్ మేనేజర్ను బుక్ చేయాలని ప్లాన్ వేశారు. రవి, శృతి వెడ్డింగ్ యానివర్సరీ పేరుతో కొత్త డెకరేషన్ ఆర్డర్ ఉందని మేనేజర్ను నమ్మించారు. అదే సమయంలో శృతి చింతామణి గొంతును అనుకరిస్తూ మేనేజర్కు ఫోన్ చేసి రూ.9 లక్షలు తీసుకుని గుడికి రావాలని చెప్పింది. మరోవైపు చింతామణిని కూడా అదే చోటుకు రప్పించారు. గుడి వద్ద మేనేజర్, చింతామణి మాట్లాడుకుంటూ మీనాను ఎలా మోసం చేశామో బయటపెట్టారు. ఇదంతా బాలు, రవి సెల్ఫోన్లో రికార్డ్ చేశారు. అదే సమయంలో ఫంక్షన్ హాల్ ఓనర్ కూడా అక్కడికి చేరుకున్నాడు. చింతామణి తప్పించుకునే ప్రయత్నం చేసినా పరిస్థితి పూర్తిగా ఆమెకు వ్యతిరేకంగా మారింది. అసలు నిజం బయటపడబోతుందనే ఉత్కంఠతో ఎపిసోడ్ ముగిసింది.
బుధవారం ఎపిసోడ్లో మీనాను వేధించిన రూ.9 లక్షల మోసం వ్యవహారానికి ఎట్టకేలకు ముగింపు లభించింది. బాలు వేసిన తెలివైన ప్లాన్తో చింతామణి, ఫంక్షన్ హాల్ మేనేజర్ గుడి వద్ద రెడ్హ్యాండెడ్గా పట్టుబడ్డారు. ఫంక్షన్ హాల్ ఓనర్ ఎదుట మేనేజర్ నిజం ఒప్పుకున్నాడు. చింతామణితో కలిసి అగ్రిమెంట్ మార్చి రూ.9 లక్షలు కాజేయాలని ప్రయత్నించినట్లు అంగీకరించాడు. దీంతో మీనా చింతామణికి గట్టిగా వార్నింగ్ ఇచ్చింది. ఫంక్షన్ హాల్ ఓనర్ కూడా చింతామణిని తీవ్రంగా మందలించాడు. ఇకపై తన ఫంక్షన్ హాల్కు సంబంధించిన అన్ని డెకరేషన్ ఆర్డర్లు మీనాకే ఇస్తానని ప్రకటించాడు. బాలు కూడా తన భార్య జోలికి మళ్లీ వస్తే వీడియోను సోషల్ మీడియాలో పెడతానని హెచ్చరించాడు.
ఇంటికి వచ్చిన తర్వాత బాలు, మీనా జరిగిన విషయాన్ని కుటుంబ సభ్యులకు వివరించారు. రూ.10 లక్షల డెకరేషన్ ఆర్డర్ను విజయవంతంగా పూర్తి చేసి, తన డబ్బు కూడా తిరిగి తెచ్చుకున్నానని మీనా చెప్పడంతో అందరూ సంతోషించారు. అయితే ప్రభావతి మాత్రం ఈ విజయాన్ని జీర్ణించుకోలేక అసహనంగా కనిపించింది. చివర్లో మీనా ఫైనాన్సర్ సింగరాజుకు అప్పు మొత్తం తీర్చేసింది. ఆమె నిజాయితీని మెచ్చుకున్న సింగరాజు, ఇకపై అవసరమైతే వడ్డీ లేకుండా ఆర్థిక సహాయం చేస్తానని హామీ ఇచ్చాడు. మరోవైపు అవమానంతో రగిలిపోతున్న చింతామణి కొత్త కుట్రకు సిద్ధమవుతున్న సంకేతాలు కనిపించాయి. అలాగే సింగరాజు, చింతామణి మధ్య గతంలో ఏమి జరిగిందనే ఉత్కంఠతో ఎపిసోడ్ ముగిసింది.
గురువారం ఎపిసోడ్ భావోద్వేగాలు, కుటుంబ గొడవలతో ఆసక్తికరంగా సాగింది. చింతామణి మోసం బయటపడిన తర్వాత మీనా ఫైనాన్సర్ సింగరాజుకు డబ్బు తిరిగి చెల్లించింది. మీనా నిజాయితీని మెచ్చుకున్న సింగరాజు.. ఇకపై పెద్ద ఆర్డర్లు తీసుకోవాలని, అవసరమైతే ఆర్థికంగా అండగా ఉంటానని హామీ ఇచ్చాడు. దీంతో మీనాలో కొత్త ఆత్మవిశ్వాసం కనిపించింది. ఇంటికి వచ్చిన తర్వాత బాలు.. మీనాకు ధైర్యం చెప్పాడు. ఇద్దరి మధ్య మల్లెపూలతో సాగిన రొమాంటిక్ సన్నివేశం ప్రేక్షకులను ఆకట్టుకుంది. మరుసటి రోజు మనోజ్ పుట్టినరోజు వేడుకలు ఘనంగా జరిగాయి. అయితే మీనా విషెస్ చెప్పలేదని మనోజ్ విమర్శలు చేశాడు. నిజం తెలిసినా తన తప్పును ఒప్పుకోకుండా మొండిగా ప్రవర్తించాడు. దీంతో రవి, శృతి, బాలు అతడిపై ఆగ్రహం వ్యక్తం చేశారు.
రవి తీసుకొచ్చిన బర్త్డే కేక్ను కూడా మనోజ్ అవమానించడంతో బాలు కోపంతో రగిలిపోయాడు. ఇదే సమయంలో బాలు స్నేహితుడు రాజేష్, అతని భార్య ఇంటికి రాగా మీనా ప్రేమగా టిఫిన్ పెట్టింది. ఆ విషయాన్ని రోహిణి మనోజ్కు చెప్పి మరో గొడవకు తెరలేపింది. అతిథులను మనోజ్ అవమానించడంతో రాజేష్ దంపతులు బాధతో అక్కడి నుంచి వెళ్లిపోయారు. దీంతో బాలు, మీనా, శృతి మనోజ్ను గట్టిగా నిలదీశారు. కోపంతో బాలు మనోజ్కు బలవంతంగా టిఫిన్ తినిపించేందుకు ప్రయత్నించడంతో ఇంట్లో ఉద్రిక్త పరిస్థితులు నెలకొన్నాయి. ఈ గొడవ తర్వాత ప్రభావతి ఎవరికి మద్దతు ఇస్తుంది? రోహిణి మరో కుట్ర పన్నుతుందా? అనే ఉత్కంఠతో ఎపిసోడ్ ముగిసింది.
నా భార్యకు ఎప్పుడో చెప్పా.. కొడుకు పుడితే.. మనసులో కోరిక బయటపెట్టిన అఖిల్!
శుక్రవారం ఎపిసోడ్ భావోద్వేగాలతో పాటు సరదా సన్నివేశాలతో ఆకట్టుకుంది. మనోజ్ పుట్టినరోజు వేడుకల్లో బాలు స్నేహితుడు రాజేష్ను మనోజ్ అవమానించడంతో ఇంట్లో ఉద్రిక్తత నెలకొంది. అతిథులను గౌరవించలేదని బాలు ప్రశ్నించగా ఇద్దరి మధ్య వాగ్వాదం జరిగింది. ఈ క్రమంలో మనోజ్ "జైలుకు వెళ్లడం నీకు కొత్త కాదు" అని చెప్పడంతో బాలు తీవ్ర ఆవేదనకు గురయ్యాడు. చిన్ననాటి చేదు సంఘటనను గుర్తు చేసుకున్న బాలు కోపంతో వంటగదిలో నుంచి కత్తి తీసుకుని మనోజ్పైకి వెళ్లాడు. వెంటనే మీనా, రవి, శృతి అడ్డుకుని పరిస్థితిని అదుపులోకి తీసుకొచ్చారు. ఆ తర్వాత సత్యం వచ్చి ఇద్దరికీ సర్దిచెప్పాడు. బాలు అన్యాయంగా శిక్ష అనుభవించిన విషయాన్ని గుర్తు చేస్తూ మనోజ్ను గట్టిగా మందలించాడు. ప్రభావతి కూడా మనోజ్ చేసిన పాత తప్పును ప్రస్తావించింది.
ఇంట్లో వాతావరణం మారాలని భావించిన శృతి అందరితో కలిసి ఓ సరదా గేమ్ ఆడించింది. మీనా, బాలు, రవి, రోహిణి, మనోజ్ పాల్గొనడంతో ఇంట్లో నవ్వులు పూశాయి. డ్యాన్స్ స్టెప్స్ను మార్చి చెప్పే ఆటలో మనోజ్ చేసిన కామెడీ అందరినీ అలరించింది. పుకార్లు ఎలా మారిపోతాయో రవి సరదాగా వివరించాడు. చాలా రోజుల తర్వాత బాలు, మనోజ్ కలిసి నవ్వుకోవడం కుటుంబ సభ్యులకు ఆనందాన్ని కలిగించింది. గేమ్ ముగిసిన తర్వాత బాలు అందరి ముందే మీనాను ఎత్తుకుని తీసుకెళ్లడం ఎపిసోడ్ హైలైట్గా నిలిచింది. మరోవైపు మనోజ్కు రోహిణి ప్రత్యేక పూజలు చేయించి తాయత్తు కట్టింది. అయితే అది కేవలం రూ.20 విలువైన తాయత్తు అని చూపించారు. చివర్లో మనోజ్ తమకు పిల్లలు కావాలని తన కోరిక చెప్పగా, రోహిణి బయటకు అంగీకరించినట్లు నటించింది. సుందరి పెళ్లి నేపథ్యంలో కొత్త ట్విస్టులకు కథ సిద్ధమవుతూ ఎపిసోడ్ ముగిసింది.
Continue with Google