సీనియర్ ఎన్టీఆర్ నుంచి సుధీర్ బాబు వరకూ ట్రిపుల్ రోల్స్ చేసిన హీరోలు

టాలీవుడ్ చరిత్రలో ఫస్ట్ టైమ్ త్రిబుల్ రోల్ చేసిన ఏకైక కథానాయకుడు కూడా ఎన్టీఆరే. 1975 లో రిలీజైన దాన వీర సూర కర్ణ సినిమాలో కృష్ణుడు, కర్ణుడు, దుర్యోధనుడు పాత్రల్లో ఆయన మెప్పించారు. ఈ చిత్రం అప్పట్లో పెను సంచలనం సృష్టించింది. ఎన్టీఆర్ నట విశ్వరూపానికి కొలమానం అయ్యింది. విచిత్రం ఏమిటంటే ఈ చిత్రం పేరిట ఉన్న రికార్డులు ఇప్పటికీ చెక్కు చెదరలేదు.

నటసామ్రాట్ అక్కినేని నాగేశ్వర రావు.. టి. రామారావు దర్శకత్వం వహించిన  నవరాత్రి  అనే సినిమాలో ఏకంగా 9 క్యారెక్టర్లు చేయడం విశేషం.. విభిన్న పాత్రల్లో వైవిధ్యభరితమైన నటన కనబర్చి అలరించారు ఏఎన్నార్. 

తెలుగు సినిమా హిస్టరీలోనే ఎక్కువ సార్లు త్రిబుల్ రోల్ చేసి సరికొత్త రికార్డ్ ను సృష్టించారు కృష్ణ‌. అసలు త్రిపాత్రాభినయం ఒక్క సినిమాలో చేయడమే క‌ష్టం అనుకుంటే.. కృష్ణ‌ మాత్రం ఏకంగా 7 సినిమాల్లో త్రిపాత్రాభినయంలో కనిపించారు. ‘కుమార రాజా’, ‘పగబట్టిన సింహం’, ‘రక్తసంబంధం’, ‘బంగారు కాపురం’, ‘బొబ్బిలి దొర’, ‘డాక్టర్ సినీ యాక్టర్’, ‘సిరిపురం మొనగాడు’ వంటి ఏడు చిత్రాల్లో మూడు పాత్రలు పోషించారు.

 హీరో శోభన్ బాబు కూడా 1983లో ముగ్గురు మొనగాళ్ళు అనే చిత్రంలో మొట్టమొదటి సారిగా త్రిబుల్ రోల్ లో నటించారు.తమిళంలో సూపర్ స్టార్ రజినీ కాంత్ నటించిన ‘మూండ్రు ముగమ్’ సినిమాకిది తెలుగు రీమేక్. ఈ సినిమా ప్లాప్ అయ్యింది.

మెగాస్టార్ చిరంజీవి కూడా 1994లో ముగ్గురు మొనగాళ్ళు అనే చిత్రంలో మూడు పాత్రల్లో నటించి మెప్పించారు. మెగాస్టార్ చిరంజీవి ‘ముగ్గురు మొనగాళ్లు’ లో మూడు పాత్రలు వేశారు. లారీ డ్రైవర్, పోలీస్ ఆఫీసర్, క్లాసికల్ డ్యాన్సర్.. ఇలా ముచ్చటగా మూడు డిఫరెంట్ క్యారెక్టర్లు చేసి ప్రేక్షకాభిమానులను ఆకట్టుకున్నారు. అప్పట్లో ఈ సినిమా ఓ సంచలనం. 

నటసింహ నందమూరి బాలకృష్ణ ‘అధినాయకుడు’ అనే ఫిలింలో మూడు రోల్స్ ప్లే చేశారు.. తాత, తండ్రి మరియు మనవడిగా వేరియేషన్స్ చూపించారు. ఈ సినిమా జస్ట్ యావ‌రేజ్ గా ఆడింది.

 ‘కొబ్బరిమట్ట’లో పాపా రాయుడు,పెదరాయుడు,ఆండ్రాయుడు అనే తాత, తండ్రి, మనవడుగా  మూడు పాత్రల్లో నటించి మెప్పించిన సంపూర్ణేష్ బాబు. 

జూనియర్ ఎన్టీఆర్ 2017లో ‘జై లవకుశ’ అనే చిత్రంలో మూడు పాత్రల్లో నటించి మెప్పించారు. దొంగ, బ్యాంక్ ఉద్యోగి, రావణ్ అనే అన్నదమ్ముళ్ళ పాత్రలకు తన నటనతో ప్రాణం పోశాడు.. రావణ క్యారెక్టర్‌లో నత్తిగా మాట్లాడి అలరించాడు.. కేవలం ఎన్టీఆర్ న‌ట‌న‌ కారణంగానే ఈ చిత్రం బాక్సాఫీస్ వద్ద ఘ‌న విజయం సాధించింది.

నందమూరి కళ్యాణ్ రామ్ కూడా మూడు పాత్రలు పోషించాడు.. ‘అమిగోస్’ మూవీలో సరికొత్త గెటప్స్, డిఫరెంట్ క్యారెక్టర్లలో కనిపించాడు. ట్రిపుల్ రోల్స్ చేసిన అమిగోస్ మూవీ అనుకున్నంత హిట్ కాలేకపోయింది.  

సుధీర్ బాబు క్రొత్త సినిమా ‘మామా మశ్చీంద్ర’. ఈ సినిమా లో  3 గెటప్పుల్లో సుధీర్ బాబు  కనిపించనున్నారు.  మామా మశ్చీంద్ర టీజర్ లో మూడు పాత్రల్లో కనిపించి అందరిని సుధీర్ బాబు సర్ప్రైజ్ చేసాడు . కామెడీ ,రొమాన్స్ .యాక్షన్ లతో సినిమాను దట్టించినట్టు టీజర్ లో తెలుస్తుంది.  మంచి డైలాగ్ రైటర్ గా పేరున్న నటుడు హర్ష వర్ధన్ ఈ సినిమాకి దర్శకత్వం వహించారు.