For Quick Alerts
    ALLOW NOTIFICATIONS  
    For Daily Alerts

    Sidharth Shukla Death: సుశాంత్ మరణంతో పోలికలు.. హత్యేనా ? అందుకే ఇద్దరూ అదే హాస్పిటల్ లో?

    |

    నటుడు మరియు బిగ్ బాస్ 13 విజేత సిద్ధార్థ్ శుక్లా గురువారం కన్నుమూశారు. ముంబైలోని కూపర్ హాస్పిటల్ సిద్ధార్థ్ మరణాన్ని ధృవీకరించింది. సిద్ధార్థ్ శుక్లా గుండెపోటు కారణంగా మరణించారు. సమాచారం ప్రకారం, నటుడు సిద్ధార్థ్ శుక్లా రాత్రి నిద్రపోయే ముందు కొన్ని మాత్రలు తీసుకున్నాడు, కానీ ఆ తర్వాత అతను లేవలేకపోయాడని అంటున్నారు. అయితే హాస్పిటల్ వర్గాలు ఇది హార్ట్ ఎటాక్ అని అంటుంటే అదే సమయంలో, సుశాంత్ అభిమానులు దీనిని హత్య అని మరియు కూపర్ ఆసుపత్రిపై విచారణ చేయాలని డిమాండ్ చేస్తున్నారు. ఆ వివరాల్లోకి వెళితే

    నెటిజన్లకు షాక్‌

    నెటిజన్లకు షాక్‌

    ప్రముఖ టెలివిజన్ మరియు సినీ నటుడు సిద్ధార్థ్ శుక్లా గురువారం ముంబైలోని కూపర్ ఆసుపత్రిలో మరణించారు. ఆయన వయస్సు 40. సిద్ధార్థ్ శుక్లా గుండెపోటుతో మరణించినట్లు తెలిసింది. సిద్ధార్థ్ బిగ్ బాస్ సీజన్ 13 విజేత మరియు టీవీ షో "బాలికా వధూ" లో తన పాత్రకు బాగా పేరు పొందారు. అతను అతని తల్లి మరియు ఇద్దరు సోదరీమణులు ఉన్నారు. ఇక "శుక్లా ఆసుపత్రికి తీసుకు వచ్చే సమయానికి చనిపోయాడు" అని కూపర్ ఆసుపత్రి సీనియర్ అధికారి PTIకి చెప్పారు.

    అయితే నటుడు సుశాంత్ సింగ్ రాజ్‌పుత్ మరణం తర్వాత సిద్ధార్థ్ మరణం అతి పెద్ద నష్టం అని చాలా మంది నెటిజన్లు కామెంట్ చేస్తున్నారు. అలాగే సిద్ధార్థ్ శుక్లా మరణ వార్త నెటిజన్లను షాక్‌కు మరియు బాధకి గురిచేసిందనే విషయం మనం అర్ధం చేసుకోవచ్చు.

    మందులు వేసుకుని

    మందులు వేసుకుని

    సిద్ధార్థ నిన్న రాత్రి మందులు వేసుకుని తర్వాత తన గది తలుపులు మూసివేసి నిద్రపోయినట్లు కూడా వార్తలు వస్తున్నాయి. అదే సమయంలో, అతన్ని ఉదయం లేపడానికి ప్రయత్నించినప్పుడు అతను మేల్కొనలేదు మరియు హుటాహుటిన ఆసుపత్రికి తీసుకెళ్లగా, అతను చనిపోయినట్లు డాక్టర్ ప్రకటించారు.

    అంటే, అతను ఆసుపత్రికి చేరుకునేలోపే మరణించాడు. దీంతో సిద్ధార్థ్ శుక్లా మరణం సుశాంత్ సింగ్ రాజ్‌పుత్ మరణాన్ని మళ్లీ తెరమీదకు తెచ్చింది. ఎందుకంటే అతని మరణం పరిశ్రమకు చాలా ఆశ్చర్యం కలిగించింది, డానికి కారణం ఇద్దరు నటుల మరణాలు చాలా పోలి ఉంటాయి. మీకు గుర్తున్నట్టు అయితే సుశాంత్ సింగ్ మరణ సమయం కూడా దాదాపు ఇదే.

    సుశాంత్ లాగానే

    సుశాంత్ లాగానే

    2020 సంవత్సరంలో బాలీవుడ్ నటుడు సుశాంత్ సింగ్ రాజ్‌పుత్ మరణం సంభవించింది, అతను జూన్ 14న ముంబై అపార్ట్‌మెంట్‌లో శవమై కనిపించాడు. ఒక సంవత్సరం గడిచింది, కానీ దివంగత నటుడి మరణానికి కారణం ఏంటి అనేది ఇవాల్టికి కూడా తేలలేదు. ఈ సమయంలో సిద్ధార్థ్ శుక్లా మరణం వినోద ప్రపంచానికి మరోసారి భారీ నష్టం అని చెప్పాలి.

    సుశాంత్ సింగ్ రాత్రి మందులు తీసుకున్న తర్వాత నిద్రపోయాడని, అప్పట్లో వార్తలు రాగా ఉదయానికి అతని మరణ వార్త అందరినీ కలచివేసింది. అదే విధంగా , సిద్ధార్థ్ శుక్లా మరణం కూడా అందరినీ ఆశ్చర్యపరిచింది. సిద్ధార్థ్ శుక్లా గుండెపోటు కారణంగా మరణించాడని చెబుతున్నప్పటికీ, పోస్ట్‌మార్టం నివేదిక వచ్చిన తర్వాతే ఖచ్చితమైన కారణం తెలుస్తుంది.

    ముమ్మాటికీ హత్యే?

    ముమ్మాటికీ హత్యే?

    సిద్ధార్థ్ శుక్లా అభిమానులు అతని మరణాన్ని సుశాంత్ సింగ్ రాజ్‌పుత్‌తో ముడిపెడుతున్నారు. షాక్ అయిన నెటిజన్లు సుశాంత్ సింగ్ రాజ్‌పుత్ తర్వాత ఇదే అతి పెద్ద నష్టం అని అంటున్నారు. శుక్లాను కూపర్ ఆసుపత్రికి ఎందుకు తీసుకెళ్లారని కూడా చాలా మంది అభిమానులు ప్రశ్నించారు. సుశాంత్ మరణానంతరం కూడా అదే ఆసుపత్రికి తీసుకెళ్లారని చెబుతూ అభిమాని ఒకరు, "ఇంకో హత్య !! హత్య కాకపోతే కూపర్ ఆసుపత్రికి ఎందుకు తీసుకెళ్లారు !!" అని ప్రశ్నిస్తున్నారు.

    సిద్ధార్థ్ శుక్ల ఆదిపురుష్ లో మేఘనాధుడి పాత్రలో ఎంపికయ్యాడని ముందుగా ప్రచారం జరిగినా ఆ తరువాత మాత్రం అదేమీ లేదని తనని ఈ విషయంలో ఎవరూ సంప్రదించలేదని ఆయన చెప్పుకొచ్చాడు. మొత్తం మీద ఆయన మరణం ఇప్పుడు సంచలనంగా మారింది.

    Sharukh ని Atlee కాపాడతాడా? | Pathan Movie కి 100 కోట్లు
    సుశాంత్ సింగ్ రాజ్ పుత్ - సిద్దార్థ్ శుక్లా మధ్య పోలికలు

    సుశాంత్ సింగ్ రాజ్ పుత్ - సిద్దార్థ్ శుక్లా మధ్య పోలికలు

    ఇక సుశాంత్ సింగ్ రాజ్ పుత్ అలాగే సిద్దార్థ్ శుక్లా మధ్య చాలా పోలికలు ఉన్నాయి. అవేమిటి అనేవి పరిశీలిస్తే సుశాంత్ సింగ్ రాజ్ పుత్, సిద్ధార్థ శుక్ల ఇద్దరూ కూడా టెలివిజన్ ప్రపంచంలో కెరీర్ ప్రారంభించి బాలీవుడ్ వైపు అడుగులు వేసిన వారే. సిద్ధార్థ శుక్ల బాలిక వధూ అనే సీరియల్ తో ఫేమస్ కాగా సుశాంత్ సింగ్ రాజ్ పుత్ పవిత్ర రిష్తా అనే సీరియల్ ద్వారా ఫేమస్ అయ్యారు.

    ఇద్దరూ కూడా టెలివిజన్ ద్వారా మంచి క్రేజ్ సంపాదించారు. మరో విషయం ఏమిటంటే ఇద్దరూ కూడా బాలీవుడ్ కి సంబంధించి ఎలాంటి బ్యాక్ గ్రౌండ్ లేదు ఇద్దరూ బయట నుంచి వచ్చి టాలెంట్ ద్వారా నిలబడిన వారే. మరో ఆసక్తికరమైన విషయం ఏమిటంటే ఈ ఇద్దరు కూడా రోజుకు నాలుగు గంటల పాటు జిమ్ లోనే తమ సమయం గడిపే వారు అని అంటున్నారు.

    అలాగే ఇద్దరూ కూడా తమ కెరీర్ పీక్ స్టేజ్ లో ఉండగానే అనుమానాస్పద రీతిలో చనిపోయారు. మరో విషయం ఏమిటంటే ఈ ఇద్దరినీ చివరి క్షణాల్లో జాయిన్ చేసింది అదే కూపర్ ఆసుపత్రిలో.

    English summary
    Fans linking Sidharth's death with Sushant Singh Rajput, netizens question why he was taken to Cooper hospital.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X