హౌస్‌ఫుల్ 4 కలెక్షన్ల సునామీ.. ఐదు రోజుల్లోనే అబ్బురపరిచే ఫీట్

బీ టౌన్ ఆడియన్స్‌ ఫిదా అయ్యేలా హౌస్ ఫుల్

ఫర్హాద్ సంజీ దర్శకత్వంలో హౌస్ ఫుల్ 4 సినిమా రూపొందింది. హౌస్ ఫుల్ సిరీస్‌లో భాగంగా వచ్చిన ఈ సినిమాలో కృతి సనన్, అక్షయ్ కుమార్, పూజా హెగ్డే, బాబీ డియోల్, కృతి కర్భందా, రితీష్ దేశ్ ముఖ్, దగ్గుబాటి రానా తదితరులు నటించారు. డిఫరెంట్ కాథాంశం, నటీనటుల పని తీరు బీ టౌన్ ఆడియన్స్‌ని మెప్పించాయి.

ఐదు రోజుల్లోనే హౌస్‌ఫుల్ 4

దీంతో కేవలం ఐదు రోజుల్లోనే హౌస్‌ఫుల్ 4 సినిమా 100 కోట్ల క్లబ్‌లో చేరిపోయి రికార్డు సృష్టించింది. మొదటి నాలుగు రోజులు కలెక్షన్ల సునామీ సృష్టించిన ఈ సినిమా ఐదో రోజూ అదే స్పీడ్ కొనసాగించింది. 5 వ రోజైన మంగళవారం 24 కోట్లు కొల్లగొట్టింది హౌస్‌ఫుల్ 4.

5 రోజుల వసూళ్లు చూస్తే..

అక్టోబర్ 26వ తేదీ శుక్రవారం విడుదలైన ఈ సినిమా మొదటి రోజే 19.08 కోట్లు రాబట్టింది. ఆ తర్వాత వరుసగా శనివారం 18.81 కోట్లు, ఆదివారం 15.33 కోట్లు, సోమవారం 34.56 కోట్లు, మంగళవారం 24.04 కోట్లు రాబట్టింది. మొత్తంగా చూస్తే ఇప్పటిదాకా 111.82 కోట్లు రాబట్టింది హౌస్‌ఫుల్ 4 సినిమా.

అక్షయ్ కుమార్ కెరీర్‌లో..

బాలీవుడ్ లో స్టార్ హీరోగా కొనసాగుతున్న అక్షయ్ కుమార్ కెరీర్‌లో 100 కోట్ల క్లబ్‌లో చేరిన ఐదో సినిమాగా హౌస్‌ఫుల్ 4 సినిమా నిలిచింది. గతంలో ఆయన నటించిన 2.0, గోల్డ్, కేసరి, మిషన్ మంగళ్ సినిమాలు ఈ ఫీట్ సాధించాయి. ఇందులో మూడు సినిమాలు (కేసరి, మిషన్ మంగళ్, హౌస్‌ఫుల్ 4) ఈ ఏడాది విడుదలైన సినిమాలే కావడం విశేషం.