నాని ‘నిన్ను కోరి’: ఓవర్సీ‌స్‌లో భారీ డిమాండ్, 500 ప్రీమియర్స్

నాని నిన్నుకోరి మూవీ జులై 7న విడుదలవుతోంది. ఓవర్సీస్‌లో ఈ చిత్రం 500 లొకేషన్స్‌లో ప్రీమియర్స్ వేస్తున్నారు.

By Bojja Kumar

Updated: Tuesday, July 4, 2017, 10:53 [IST]

హీరో నాని సినిమాలకు తెలుగు రాష్ట్రాల్లోనే కాదు, ఓవర్సీస్ మార్కెట్లోనూ మంచి డిమాండ్ ఏర్పడింది. తెలుగులో పెద్ద పెద్ద మాస్ హీరోలు సైతం అందుకోలేని ఎన్నో ఓవర్సీస్ రికార్డులను నాని అవలీలగా అందుకున్నారు. ఈ మధ్య కాలంలో విడుదలైన నాని సినిమాల ఓవర్సీస్ కలెక్షన్లు కూడా బావున్నాయి.

జులై7న నాని 'నిన్న కోరి' సినిమా ద్వారా ప్రేక్షకుల ముందుకు రాబోతున్నాడు. ఇప్పటికే విడుదలైన ట్రైలర్ ఎవరూ ఊహించని రెస్పాన్స్ సొంతం చేసుకుంది. ఏకంగా 10 మిలియన్ వ్యూస్ సాధించింది. సినిమాకు డిమాండ్ ఎక్కువగా ఉండటంతో రిలీజ్ కూడా అదే స్థాయిలో ప్లాన్ చేస్తున్నారు. ముఖ్యంగా ఓవర్సీస్ మార్కెట్లో రికార్డు స్థాయిలో ఈ చిత్రం విడుదలవుతోంది.

500 ప్రీమియర్ షోలు

పెద్ద పెద్ద స్టార్ హీరోల సినిమాలే ఓవర్సీస్‌లో 500 ప్రీమియర్ షోలు పడటం అంటే చాలా కష్టం. కానీ నాని నటించిన ‘నిన్ను కోరి' మూవీ ఓవర్సీస్ లో 500 లొకేషన్లలో ప్రిమియర్స్ వేస్తున్నారు.

యూఎస్ఏలో 350కి పైగా...

కేవలం యూఎస్ఏలోనే 350 పైగా లొకేషన్లలో ప్రీమియర్స్ వేస్తున్నారు. సినిమా విడుదల ఒక రోజు ముందే(జులై 6)... సాయంత్రం 6 గంటలు యూఎస్ఏలో షోలు మొదలు కాబోతున్నాయి. రెడ్ హార్ట్ మూవీస్ సంస్థ ఓవర్సీస్ లో ఈ చిత్రాన్ని డిస్ట్రిబ్యూట్ చేస్తోంది.