RX 100 కలెక్షన్ల జోరు.. నాలుగు రోజుల్లో 10 కోట్లు!

టాలీవుడ్‌లో సెన్సేషనల్ హిట్టుగా క్రేజ్ సంపాదించుకొన్న RX 100 చిత్రం వసూళ్ల సునామీని సృష్టిస్తున్నది. ఈ చిత్రానికి ప్రేక్షకులు చూపిస్తున్న ఆదరణ, వస్తున్న కలెక్షన్లను చూసి ట్రేడ్ వర్గాలు కంగుతింటున్నాయి. ఈ చిత్రం నాలుగు రోజుల్లోనే 10 కోట్ల గ్రాస్ కలెక్షన్లను సాధించడం సినిమా స్టామినాకు అద్దంపడుతున్నది. వర్మ శిష్యుడు అజయ్ భూపతి దర్శకత్వంలో నూతన నటీనటులు కార్తీకేయ, పాయల్ రాజ్‌పుత్ నటించిన ఈ చిత్రం గురువారం రిలీజైన సంగతి తెలిసిందే.

ఆదివారం నాటికి నైజాంలోనే ఈ చిత్రం సుమారు రూ.2.5 కోట్లు, ఆంధ్రా, ఓవర్సీస్‌లో కలిపి మరో రూ.2.5 కోట్ల నికర వసూళ్లను వసూలు చేసింది. ఇప్పటికే RX100 చిత్రం డిస్టిబ్యూటర్లకు విపరీతమైన లాభాలను పంచిపెడుతున్నట్టు ట్రేడ్ వర్గాలు వెల్లడించాయి.