గిరీష్ కర్నాడ్

బయోగ్రఫీ:  గిరీష్ కర్నాడ్ మహారాష్ట్రలోని మాథెరన్‌లో 1938 మే 19న జన్మించారు. డాక్టర్ రఘునాథ్ కర్నాడ్, కృష్ణబాయి దంపతుల నలుగురు సంతానంలో గిరీష్ కర్నాడ్ ఒకరు. చిన్నతనం నుంచే నాటకాలు, సాహిత్యంపై ఆసక్తి పెంచుకున్నాడు. ఆ తర్వాత సినిమా రంగం వైపు అడుగులు వేశారు. గిరీష్ కర్నాడ్  కన్నడ చిత్రం 'సంస్కార' ద్వారా 1970లో నటుడిగా కెరీర్ మొదలు పెట్టిన ఆయన తెలుగు, తమిళం, మళయాలం చిత్రాలతో పాటు అనేక హిందీ చిత్రాల్లో నటించారు. కర్నాడ్ నటించిన చివరి చిత్రం సల్మాన్ ఖాన్ హీరోగా 2017లో వచ్చిన 'టైగర్ జిందా హై'. ఇందులో RAW చీఫ్ పాత్రలో నటించారు. గిరీష్ కర్నాడ్ నటుడినే కాదు... సాహిత్య విభాగంలో అత్యున్నత ప్రభతిభ కనబరిచారు. సాహిత్యంలో భారత పౌరులకు అందించే అత్యున్నమైన ‘జ్ఞానపీఠ్' అవార్డ్ 1998లో దక్కించుకున్నారు. దీంతోపాటు 1974లో పద్మశ్రీ, 1992లో పద్మభూషణ్ పురస్కారాలకు ఎంపికయ్యారు. తెలుగులో ఆయన ‘ధర్మచక్రం' చిత్రంలో వెంకటేష్ తండ్రి పాత్రలో తనదైన ముద్ర వేసి టాలీవుడ్ ప్రేక్షకుల మదిలో నిలిచిపోయారు. అదే విధంగా ‘శంకర్ దాదా ఎంబీబీఎస్' చిత్రంలో మెగాస్టార్ ఫాదర్ గా నటించారు. ఆయన నటించిన ఇతర భాషా చిత్రాలు తెలుగులోనూ అనువాదమై విడుదలయ్యాయి.