జూనియర్ టీం నుంచి బయటకు వచ్చి బన్నితో కలిసాడు...... వక్కంతం వంశీ తో బన్నీ సినిమా నిజమేనా??

ఎన్టీఆర్ తోనే చెయ్యాలని:

స్టార్ హీరోల కథారచయితగా వక్కంతం వంశీ మంచి పేరు తెచ్చుకున్నాడు. ఇక ఎన్టీఆర్ సినిమాతో దర్శకుడిగా పరిచయమవ్వడానికి రంగాన్ని సిద్ధం చేసుకున్నాడు.

నిన్నా మొన్నటి వరకు కూడా:

వారం రోజుల క్రితం కూడా ఈ ఇద్దరి సినిమా పేరు "ధడ్కన్" అని నిర్ణయించారనీ కూడా చెప్పుకున్నారు...

బయటకి వచ్చేసాడు:

అంతలో ఏమైందో గానీ ఇప్పుడు వక్కంతం జూనియర్ తో చేసే సినిమా ఆగిపోయిందనీ ఆయన ఎంన్టీఆర్ క్యాంప్ నుంచి బయటకు వచ్చారనీ చెప్పుకుంటున్నారు. అసలు ఈ ఇద్దరి మధ్యా ఏం జరిగిందన్నది మాత్రం తెలియటం లేదు..

ఇప్పట్లో లేదన్నాడు:

ఎన్టీఆర్ కూడా మూడురోజుల కింద ఒక ఇంటర్వ్యూలో మీడియాతో మాట్లాడుతూ తరువాత సినిమా ఇంకా డిసైడ్ చేసుకోలేదని, కాస్త విశ్రాంతి తీసుకుంటానని, అంత త్వరగా సినిమాలు చేసేయాలన్న ఆతృత లేదని చెప్పేసాడు.

మొత్తం రివర్స్ అయ్యింది:

తారక్ చేసిన చాలా సినిమాలకు కథ అందించిన వక్కంతం వంశీ డైరక్టర్ గా మారేందుకు దాదాపు రెండేళ్ల నుండి వెయిట్ చేస్తున్నాడు. కా ఇప్పుడు తాజా వివాదం తో మొత్తం రివర్స్ అయ్యింది.

ఎందుకూ అన్నదే తెలియదు:

వక్కంతం వంశీ తనంతట తానే ఎన్టీఆర్ క్యాంప్ వీడి బయటకు వచ్చేసినట్లు తెలుస్తోంది. మరి ఎందుకు అలా వచ్చేసాడు అన్నది తెలియదు కానీ, వచ్చేసిన మాట మాత్రం పక్కా అని తెలిసింది.

ఇంకో షాకింగ్ మ్న్యూస్ :

ఈ నేపథ్యంలో ఇంకో షాకింగ్ న్యూస్ వినిపిస్తోంది. బన్నీకి వక్కంతం వంశీ ఒక కథను వినిపించాడట. కథ చాలా ఆసక్తికరంగా ఉండటంతో, వెంటనే బన్నీ ఓకే చెప్పేశాడని అంటున్నారు.

'దువ్వాడ జగన్నాధం' తరువాత :

అయితే ఇప్పుడు "దువ్వాడ జగన్నాథం" సినిమాతో బన్నీ బిజీ కానున్నాడు. ఈ సినిమా తరువాత వక్కంతం వంశీతో కలిసి బన్నీ సెట్స్ పైకి వెళ్లే అవకాశం ఉందని చెప్పుకుంటున్నారు.

వెయిట్ చేస్తాడా? :

అయితే ఈ సినిమా అయ్యి వీళ్ళ సినిమా పట్టాలెక్కాలంటే ఎంతలేదన్నా కనీసం ఇంకోసం సంవత్సరం ఆగాల్సిందే. మరి అప్పటివరకూ వక్కంతం వంశీ వెయిట్ చేస్తాడా? మరో హీరోతో మరో కథను ప్లాన్ చేస్తాడా? అనేది చూడాలి.

ఇప్పటికే రెండేళ్ళు:

ఎందుకంటే ఇప్పటికే జూనియర్ తోనే అంటూ రెండేళ్ళు వేస్ట్ చేసుకున్నాడు. ఈ సంవత్సరం గడిచే సరికి మళ్ళీ ఏం జరుగుతుందో తెలియదు కదా...